الوسم اللي على العرنون لمن ؟؟؟

السلام عليكم ورحمة الله وبركاته


ياجماعة الخير شريت ناقه مجهم طيبه بالحيل وعليها وسم على العرنون بالعرض لمن هذا الوسم ؟؟؟

اللي يعرف لا يبخل علينا بإسم راعيه ...




تحياتي للجميع

رد: الوسم اللي على العرنون لمن ؟؟؟

وسم الهوامله من الداوسر

رد: الوسم اللي على العرنون لمن ؟؟؟

هذا الوسم أسمه الرثمة وهو للهواملة من الدواسر

رد: الوسم اللي على العرنون لمن ؟؟؟

فهد بن صلبوخ
نواف الدوسري

مشكورين وبيض الله وجيهكم على هالمعلومه

رد: الوسم اللي على العرنون لمن ؟؟؟

ترا فيه ناس من هل الامارات ياسمون الرثمه مثل رثمة الهوامله

رد: الوسم اللي على العرنون لمن ؟؟؟

ترا فيه ناس من هل الامارات ياسمون الرثمه مثل رثمة الهوامله

صدقة ياعلي نعم فيه بعض من العوامر يحطون الرثمه على العرنون (والشاهد على ايمن الرقبه مطرق صغير لكافت اهل الامارات ويسمونه شاهد زايد)

وشكرا ,,,

رد: الوسم اللي على العرنون لمن ؟؟؟

وأيضاً بعض الصيعر في شروره ياسمون الرثمه

رد: الوسم اللي على العرنون لمن ؟؟؟

الناقه شريتها من سوق الخرج واقرب مالها انها تكون هويمليه

والله يعطيكم العافيه على الايضاح

رد: الوسم اللي على العرنون لمن ؟؟؟

وش غير الرثمة .. فيه شاهد ؟

رد: الوسم اللي على العرنون لمن ؟؟؟

والله يامبارك ماأقول إلا جزاك الله خيرا أنا عندي فحل مجهم مزيون بالحيل عليه نفس الوسم ونفس الشاهد وانا قد سمعت من شخص إن هذا وسم العوامر وشاهدهم وانت الحين جيت وأكدت لي جزاك الله كل خير

رد: الوسم اللي على العرنون لمن ؟؟؟

الشاهد يا جابر مطرق على رقبة الناقه من الامام

رد: الوسم اللي على العرنون لمن ؟؟؟

حسب ما اعرف ان ايضاً فخذ من السهول ياسم الرثام على العرنون

رد: الوسم اللي على العرنون لمن ؟؟؟

الناقه شريتها من سوق الخرج واقرب مالها انها تكون هويمليه

والله يعطيكم العافيه على الايضاح

يجوز الناقة شراها واحد من هل الخرج سوا أن كان راعيها من هل الأمارات
أو صيعري أمكن شراها من الأمارات أو شراها من شرورة وهـو رايح يبحث عن أبل معينة
أشتراك و لاكن صور الوسم و نزلة لنا أنا أذكر شفتة على أبل و أبي أتأكد من راعي الأبل
عامري و لا صيعري و لا هويملي

تقبل مروري

لك تحياتي و تقديري

أخـــــوك / عبدالهادي الـغـفـرانـــي

رد: الوسم اللي على العرنون لمن ؟؟؟

فيه ناس من الفهيده من ال مره يحطون الرثمه

رد: الوسم اللي على العرنون لمن ؟؟؟

صبحت بالخير يافهد
ان كاني ماني واهم
فأن ال محيميد من السهول ياسمون هالوسم
والسلام عليكم ،،،