رأيكم في فحل المستقبل ...رمان

السلام عليكم ...
اسعد الله مسائكم بكل خير

القعود نادر ... واخوه مبيوع ب500 ألف ريال

هذا الله يحفظكم ...قعود مفرود ( رمان ) على رمان ابو يد ( من سلالة اباعر الغيثات ) بعير الامير عبدالعزيز بن فهد
والام / ايضا من اباعر عبدالعزيز بن فهد

مالك القعود هو ابن عمي راعي الوضع
فهد بن محمد الهدباني المطيري

العذر والسموحة على قلة الصور .. رداءة التصوير

تقبلوا تحياتي
ابو سلطان

رد: رأيكم في فحل المستقبل ...رمان

ماشاء الله تبارك الله
القعود زين ولاكن تصاخف راسة
أن كانه مثل ماتقول من سلالة رمان ابو يد
وامة زينة
يستاهل أنه يفحل وبعدين يحكم على أنتاجة
وكان القعود في الجنادية ناوي تبيعة ؟
هل علية سووم ولا لا؟

رد: رأيكم في فحل المستقبل ...رمان

تم النقل للقسم المُناسب

..

رد: رأيكم في فحل المستقبل ...رمان

القعود من ناحيتي انه ينفحل بس ياليت تنزل لنا صوره من جنب وهو وافق
بني نشوف جنبه وغاربه وعمره وغيرها

رد: رأيكم في فحل المستقبل ...رمان

أذنه تكابرهـا .. عرنونـه طيييييييييب .. سيف لحيه تداقه ... مطلع رقبته لك عليه ...

ونبي صور كامله للمبروك ...

القعـود : زينه مقبـل ولا عقّب حق يبي يطلـع كانه من ذاك الساس ..

....


(( هـذا القسـم لطلـب الاستشـاره والتقييـم .. وليس لعروض البيع والشراء والاستفسار عن ذلـك وأي رد مخالف سيحذف فوراً ))

رد: رأيكم في فحل المستقبل ...رمان

اولا لي ملاحظه على سلالة رمان ابو يد

ليست من ابل الغييثات بل من ابل الفصام ورمان الاول ملك عبدالله الفصام وباعه على الاميرعبدالعزيز بن فهد واصله من ابل الملك خالد

القعود طيب وتشره على الراس المشرب قاصر ولا له خد والفنسه ماهي المطلوب والاذن كبار وان ثبت نسبه يفحل وخابره في جرش صحيح

رد: رأيكم في فحل المستقبل ...رمان

على زينه يهد ما فيه كلام

مشربه قاصر

الراس والعرنون والخده طيبه

والله يجعل فيه البركه

شكرا

رد: رأيكم في فحل المستقبل ...رمان

الله لايهين الجميع ....بيض الله وجيهكم

يااخوان انا عرضته في ساحة العرض ... والإدارة عفى الله عنهم وسامحهم الله نقلوه إلى الاستشارات

جابر عز الله انك راعي نظر ....صحيح ان مشربه فيه قرامه ( اللي يشوفه هالحين يقول قاصر ) لكن القعود مشربه طيب واذا سقته بانة علومه

عندي بعير ماخذه حوار لو شفته تروع تقووول عز الله انك مصفوق على راسك ....لو تشوف صورته هالحين تقول مشرب رقم واحد وسبال رقم واحد ....حكمة الله في ذلك عجيبة


الله لايهينك

على زينه يهد ما فيه كلام

مشربه قاصر

الراس والعرنون والخده طيبه

والله يجعل فيه البركه

شكرا

رد: رأيكم في فحل المستقبل ...رمان

مرحبا بالاخوان لي تعقيب على كلام الاخ خالد الفالح رمان اللي عند عبدالله الفصام شاريه من الغييثات وهو انتاج عند الغييثات وابوه اعتقد مثل ماتفضلت للملك خالد

رد: رأيكم في فحل المستقبل ...رمان

مرحبا بالاخوان لي تعقيب على كلام الاخ خالد الفالح رمان اللي عند عبدالله الفصام شاريه من الغييثات وهو انتاج عند الغييثات وابوه اعتقد مثل ماتفضلت للملك خالد

صدقت ياحمد انا هذا اللي اعرفه ، والشكر للجيمع ولخالد على المعلومات الطيبة