سؤال؟

السلام عليكم
أشكركم على ردودكم الوافية
ولا هنت
وبيض الله وجيهكم ، وإذا سؤالكم كذا ترى الي دايم أسمع يسألون عن أبو الفحل
وشكرًا

صححححححححححححححح لسانك يالعماري.

يامرحبا ومسهلا ياسعود

لو عندك ناقه عاديه واضربتها بعير منتج

وكان انتاج ذا الناقه قعود طيب مثل ابوه

وهديته وانا عندي علم ان امه عاديه

اول سؤال باقوله لك ويش ابوه وبقول والله لولا ابوه بعير ابوفلان

ما كان ذا زينه

البعير الطيب ينسب لبوه ولا ينسب لمه

تحيااااتي

اشبه السؤال بالضبط مثل السؤال اللي يقول :

ايهما خلق اولاً البيضة ام الدجاجة ؟

وطبعاً الشباب ماقصروا كلٌ ادلا بدوله

وبعض الشباب ابتعد عن معنى السؤال ... واللي معناه لو اني ضربت وحده من ابلي ببعير للدواسر

وجابت بكرة وطلعت البكرة زينة واشتراها احد الاثرياء (ادعوا لي .... لولا التمني كان مات ال.........)

على العموم نرجع لموضوعنا... فلو احد سأل اللي اشترى البكرة منهي من ابله ايش يكون الجواب ؟

هل تكون البكرة مرّية ولا دوسرية؟

وحسب رأيي ان البكرة تنسب للمراح فيقال انها من ابل آل مرة (الله يستر لايزعلون علينا الدواسر ويطلبون تحليل ال DNA )

وتقبلوا تحياتي

لدي قول فصل في المسألة:
هو النسب للأشهر منهما فالفحل المشهور يغلب على الأم والعكس ،لكن بعد انتشار المزايين كثر السؤال عن الفحل خاصة إا كان المسؤؤال عنه قعود فإن كانت بكرة كثر السؤال عن امها وأخواتها. هذا كلة إذا كانت الإبل قليلة كإبل الأفراد والاحواش
لكن
أما لوكانت الإبل كثيرة فإنه ينسب الابل ولو كان ابوه من غيرها .

رجعت لكم من جديد
أنا أقول
أن كان الأبو والأم من أبل الهواجر يقال البعير من أبل الهواجر
وأن كان ابوه من أبل الهواجر وأمه دوسريه
مايقال لا من أبل الدواسر ولا الهواجر
ولكن يقال أبوه فلان وأمه من أبل الدواسر
والله أعلم

يستاهل راشد العرق
صح السانك ياخالد


برق تلالاقلت لاولالا
بين البروق وبين مبسم هيا فرق

يستاهل راشد العرق
صح السانك ياخالد


برق تلالاقلت لاولالا
بين البروق وبين مبسم هيا فرق

صح بدنك
وأبو علي حقه أكثر
وشكرًا

[align=center]يبدو لي ابوتركي

ان السؤال كان بسبب

طويلان الذي تم عرضه في سوق مزاين من قبل الاخ/ فهد الاحمد

اذا انا على خبري نبيه

المهم

من وجهة نظري

ان الفحل ينسب لاماته فيقال من ابل فلان

فيقال:

منهو من ابله؟

واحيانا يزاد في السؤال وش ابوه؟؟

هذا في الاصل اما حاليا ومع ارتفاع الاسعار

والبحث عن الشهره فأصبح الناس يركزون على الاب

فيقولن مباشرة هذا على بعير فلان ابو خمسة مليون ...

وفي الاخير يسأل عن الام

ودمتم سالمين[/align]

ما شاء الله عليك يا بو محمد
نبيه عيني عليك بارده


وهذه السالفه كلها

ارحب يافهد
والقعود يستاهل
وبحكم انني اعرف القعود معرفه تامه من يوم كان حوار واعرف امهاته
فالقعود للمعلوميه لونه املح وحكم انه في الجبيل سار لونه كما ترون
وهو من ابل الجابر المره
والقعود يمتاز بالطول وكذلك القح العام وهو لقي
وفيه ممشا هايل
نسأل الله ان يبارك فيه
ويستاهل ابوراشد

أرحب يا راشد

القعود أصله دوسري
من أبل أبو متعب الدوسري
واللي باع أبو القعود على المناصير بـ 750000
وأمه مريه من أبل آل جابر

ارحب يافهد
وضح اكثر هل تقصد بان القعود اصله دوسري
او تقصد تعريف بأصل ابو القعود
ارجو لرد

هلا بك أخوي راشد
القعود وأنا أخوك أصله دوسري
وأمه من أبل آل جابر (( مريه ))

مساك الله بالخير يا بوتركي
بالنسبة لكلامك فهو صحيح أننا ننسبه لأبل آل جابر .. لأن أمه مريه
والفحل مشري من أبل آل جابر
ولو سأل أي شخص .. راعي الفحل من وين شريته
راح يجاوب على طول .. من آل جابر
ونسب القعود لأمه


ولكن إذا أردنا أن ننسب الفحل
فعلينا أن ننسبه لأبوه وأصل أبوه وهو الساس
وهذا هو المتعارف عليه.. والله أعلم


وأكبر دليل
على ذلك
يرجع نسب الولد عادةً إلى قبيلة والده
ولا تذكر قبيلة والدته.


بارك الله في الجميع

السلام عليكم ورحمة الله وبركاته

انا عندي سؤال يالربع
انا ابلي كلها ال حرشاء واظربت ام الفحل ببعير من الشرف وجابت فحل وهديته واظربو به العالم هل هم بيقولون ان حيرانهم على حريش ولا بيقولون على شريف
يعني اصل البعير من ال حرشاء ولا من الشرف
يالربع البل ماهي مثل الناس اصل البل لامهاتها يعني ال حرشاء حرشاء ولو كل ابوانها من العشوا ولا من الشرف

البعير ينسب لاصل امه وليس لاصل ابوه

يعني يالربع ولد المجهم على آصل ركاب الجزيره من العمانيات بتهدومه في هجنكم وبتقولون انه عماني اصيل ولا بتقولون اصله مجهم

السلام عليكم ورحمة الله وبركاته

انا عندي سؤال يالربع
انا ابلي كلها ال حرشاء واظربت ام الفحل ببعير من الشرف وجابت فحل وهديته واظربو به العالم هل هم بيقولون ان حيرانهم على حريش ولا بيقولون على شريف
يعني اصل البعير من ال حرشاء ولا من الشرف
يالربع البل ماهي مثل الناس اصل البل لامهاتها يعني ال حرشاء حرشاء ولو كل ابوانها من العشوا ولا من الشرف

البعير ينسب لاصل امه وليس لاصل ابوه

يعني يالربع ولد المجهم على آصل ركاب الجزيره من العمانيات بتهدومه في هجنكم وبتقولون انه عماني اصيل ولا بتقولون اصله مجهم

وعليكم السلام

اظم رايي لرايك ياراشد العرق

[QUOTE=راشد العرق]السلام عليكم ورحمة الله وبركاته

انا عندي سؤال يالربع
انا ابلي كلها ال حرشاء واظربت ام الفحل ببعير من الشرف وجابت فحل وهديته واظربو به العالم هل هم بيقولون ان حيرانهم على حريش ولا بيقولون على شريف
يعني اصل البعير من ال حرشاء ولا من الشرف
يالربع البل ماهي مثل الناس اصل البل لامهاتها يعني ال حرشاء حرشاء ولو كل ابوانها من العشوا ولا من الشرف

البعير ينسب لاصل امه وليس لاصل ابوه

واظن ان جميع راعي ابل مقيمه واصلها طيب ماهو بناسب حواره لابل ال فلان عشان ابيه من ابلهم

اللي ينسبون ركابهم الى البعير المشهور مقصدهم بحثا عن الشهره لعله يشتهر لانه ولد البعير المشهور فلان وليس ان اصله من ابل اهل البعير


][يعني يالربع ولد المجهم على آصل ركاب الجزيره من العمانيات بتهدومه في هجنكم وبتقولون انه عماني اصيل ولا بتقولون اصله مجهم

بارك الله في الجميع
وبارك الله فيك أخوي راشد

والله يعطيه العافية أبو تركي اللي طرح الموضوع للنقاش وللفائدة العامة
والظاهر إن كلام الأخ راشد العرق أقرب إلى الصواب.


والله يكتب اللي فيه الخير

وينك يابوعلي من زمان. الربع لي شهر وانا اذاودهم ولا فيهم حيله واليوم الله جابك وبيض الله وجهك ووجيه الحاضرين.

[frame="7 90"]بسم الله الرحمن الرحيم

انا اقول ان البعير ينسب على ابيه للشهرة

ولكن الركاب انتاجها كله ما هو بشرط يكون طيب

فيه العادي وفيه الغالي وفيه اللي مايسوى

ولكن اذا رجعنا للاصل ينسب لامه

الان اكثر البل المشهورة يقولون فيها سر ابل ال قوز

ما قصدهم ركاب القوز قصدهم ابل القوز

حن الى هدينا بعير وسط البل ومن ركابنا مانقول هد ولد فلان نقول هد ولد فلانه

ليش علشان يعرف الاصل هذا والصلاة والسلام على رسول الله

حمد بن سنيد المري[/frame]