رايكم ياهل العرف بالتهجين بين المجاهيم والمغاتير!!!

السلام عليكم ورحمة الله وبركاته


اخواني اعضاء منتدى مزاين

ابغى رايكم في التهجين بين المجاهيم والمغاتير

يعني افضل طريقه لمالك الابل المجاهيم الطيبه هل هو ضرابها بفحل اوضح ام شراء الوضح افضل

وأرجوا لمن لديه اطلاع على تجارب تهجين مجاهيم بفحل اوضح يخبرنا كيف كان طرح الفحل الاوضح على الابل المجاهيم وهل يعيب الوضحا بنت المجهم هذا التهجين عند البيع .



وتقبلوا مني اجمل التحايا

رد: رايكم ياهل العرف بالتهجين بين المجاهيم والمغاتير!!!

اخوي فهد تقول
يعني افضل طريقه لمالك الابل المجاهيم الطيبه هل هو ضرابها بفحل اوضح

المجاهيم الطيبه ان ضربتها اوضح دمرتها والعكس صحيح

وهاللونين بالذات ماينفع التهجين بينهم
لان مميزات لون تعتبر عيوب في اللون الثاني

رد: رايكم ياهل العرف بالتهجين بين المجاهيم والمغاتير!!!

بن موطان

بارك الله فيك على ابداء الرأي

وشاكر مرورك العطر

رد: رايكم ياهل العرف بالتهجين بين المجاهيم والمغاتير!!!

انكان عندك مجاهيمً طيبه وتبي مغاتير بعها .. واشر مغاتير ..

لاتدمرها وتهد فيها اوضح .. اكثر عياله بتجي بغث وزرق ...

....

رد: رايكم ياهل العرف بالتهجين بين المجاهيم والمغاتير!!!

أخوي فهد شكرا على طرحك الموضوع الجميل

وبالنسبة لي كانت لي تجربة ذالك في ناقة مجهم طيبة على فحلين وضح
الاول جابت علية صفراء والبعير الثاني اول ماولدت كانت بنت وضحا بردة ثم قلبت وضحا فيها دخنة واللحين فيها شقاح ووبرتها مثل وبرة المجاهيم منسلة
وفيها أيضا شعره سود ولا شفتها تقول مجهم اللهم اللون فااارق
واللحين كلهن خلفات عندي الام وبناتها
وظربتهن بفحول وضح
الصفراء أنتاجه وضح ويجي في روسها مثل العطار
أما الشقحا أنتاجها الاول وضحا وأنتاجها الثاني صفراء مغاتير
ملاحظة
لاحظت ان كمية الحليب مثل كمية حليب المجاهيم

رد: رايكم ياهل العرف بالتهجين بين المجاهيم والمغاتير!!!

الاخوان
مشعل الشويش
ونواف الدوسري

الله يعطيكم العافيه وبيض الله وجيهكم

رد: رايكم ياهل العرف بالتهجين بين المجاهيم والمغاتير!!!

التهجين صفر ثم صفر لاتعدم ابلك

رد: رايكم ياهل العرف بالتهجين بين المجاهيم والمغاتير!!!

ساجر كيف صفر ياليت توضح

رد: رايكم ياهل العرف بالتهجين بين المجاهيم والمغاتير!!!

ساجر كيف صفر ياليت توضح

طال عمرك وقصر عمر معادينك
صفر يعني عدد وليس لون أقصد أن التهجين لاينتج عنه الاالخساره والي بها عرق مجهم واضحه والعكس صحيح وأتمنى أن لا احد يهجن

رد: رايكم ياهل العرف بالتهجين بين المجاهيم والمغاتير!!!

مرحبا بك يا فهد
وصراحه موضوع التهجين صعب ويبي له صبر
وانا اذكر لك تجربة شايب ابله كانت مجاهيم كلها
وتقييمي لها مافيها ناقة عشرة الآلآف
واستهد فيها فحل اعفر من فحول الامير سلطان بن عبدالعزيز
وخلاه يثعى فيها وجاب العفرا وجاب الزرقا وجاب الكدرا
خذا له يمكن عشر سنين تقريبآ وهو يعدل فيها والمجاهيم باعها الاوله
المهم الحين البل كلها عفر برده مامعه الا ندر بسيط شقح وطيبه ويبيع من الحيران بالستين الف وزوود
الله يبارك له فيها
تقبلو تحياتي جميعآ

رد: رايكم ياهل العرف بالتهجين بين المجاهيم والمغاتير!!!

مرحبا بك يا فهد

وصراحه موضوع التهجين صعب ويبي له صبر
وانا اذكر لك تجربة شايب ابله كانت مجاهيم كلها
وتقييمي لها مافيها ناقة عشرة الآلآف
واستهد فيها فحل اعفر من فحول الامير سلطان بن عبدالعزيز
وخلاه يثعى فيها وجاب العفرا وجاب الزرقا وجاب الكدرا
خذا له يمكن عشر سنين تقريبآ وهو يعدل فيها والمجاهيم باعها الاوله
المهم الحين البل كلها عفر برده مامعه الا ندر بسيط شقح وطيبه ويبيع من الحيران بالستين الف وزوود
الله يبارك له فيها

تقبلو تحياتي جميعآ

كلامك صح لكن لو هلبعير هده في وضح اصل مكانت قيمتهن بستين كان كانن بلميات وتلقا مالهن رونق الي أصلهن مجاهيم وأناضد الي يهجن والمهجنه ماخذه بريال وأحد

رد: رايكم ياهل العرف بالتهجين بين المجاهيم والمغاتير!!!

الله يعطيكم العافيه على الإيضاح

وبيض الله وجيهكم

واتضح لي من خلال الردود ان التهجين بين المجاهيم والمغاتير غير مفيد

رد: رايكم ياهل العرف بالتهجين بين المجاهيم والمغاتير!!!

شريت ناقه مجهم خيار وكانت لقحه على مغتر
جابت اشقح ماله وصف في صفات المجاهيم ولكن لونه اشقح وسحبته من تحتها وعلى السوق
وش تسوي بمجهم اشقح؟؟
الاذن اكبر مشله في هالموضوع
تقبل تحياتي

رد: رايكم ياهل العرف بالتهجين بين المجاهيم والمغاتير!!!

ذولي بكار خوات من الام امهن مجهم وابوانهن وضح

رد: رايكم ياهل العرف بالتهجين بين المجاهيم والمغاتير!!!

أنا ضد التهجين اذا كان القصد تهجين. وانا ضد الأسرار الباكستانية تدخل في ابلنا. المجهم فحلها المجهم. والمغتر فحلها الاوضح. والباكستانيه فحلها منها وفيها. هذي وجهة نظر