وش رايكم في هالفحل

اسعد الله اوقاتكم بكل خير

ابي رايكم في هالفحل لاهنتوا

راي في شكله ومزاياه وكم يسوى تقريبا

علما انه مجهول الاب والام ولاشفت انتاجه

:

رد: وش رايكم في هالفحل

أول شي الله يبارك لك فيه
ومثل ماتعرف أخوي خالد الفحول أسرار
الفحل يرجع لطيبة لساسة وأنتاجه
أن كان البعير شفت أنتاجه وأنتاجة طيب فهده
وأن كان غير ذالك فتركه
البعير أما عمار الذود والا دمارة
والبعير حسب اللي في الصورة مبروك وعليه بعض ملاحظات
منها
1/ الرقبة جليلة وقصيرة وفيها عنجة
2/ البعير هــجر(قصير)
3/ السنام متوسط وماخذ من الغارب

ولا راسه ماهوب شين
بس تر مثل ماقلت لك البعير يرجع لساسة وانتاجه
والبعير أذا ماخاب ضني أنه من أبل الخرفان الدواسر

وأن شاء الله الاخوان أهل الخبــرة مايقصرون معك

رد: وش رايكم في هالفحل

الله يرزقك بطيب منه والمجهول مجهول ولاتحرص عليه كثير

رد: وش رايكم في هالفحل

البعير قصير.. ولحم بالحيل .. ورقبته رديه ..

والبعير ساس .. وانتااااااااااااااااااااااااااااااج ..

...