هل الدجاج ينفع اشترية وحطه عند الابل علشان القردان
هل فعلاً بستفيد منة
وهل منه مظار
هل فعلاً بستفيد منة
وهل منه مظار
-
-
رد: الدجاج والقردان
والله يا أخوي فالح كثير جربوا وفادهم الدجاج.
بصراحة ما جربت .
والسلام عليكم. -
رد: الدجاج والقردان
يافالح إجابه على سؤالك مره من المرات سيرة على رجالً شرواك وجيته وتقهوينا وبعد ماتقهوينا قال مشينا بوريك الفحل ويوم جينا الفحل كان مربوط وكان عنده دجاجه تنقش من خفه القرد والفحل مقاردن لها (( فالدجاجه مخاطره بنفسها مالقت ألا خف البعير )) فلذلك الدجاج فائدته كبيره
(( للقرد ))
(( للحلم ))
(( للخمله ))
(( للعقارب ))
تعليق
-
رد: الدجاج والقردان
البل ادنا ما جفلها
والدجاج مجنون مزعج وكانها على القراد والحلم
فا اشتر لك بخاخ وحط ماء مع جاره وخل العامل يرشها
تعليق
-
رد: الدجاج والقردان
الا حط لك اكبر عدد من الدجاج وفوائد كثيرهتعليق
-
رد: الدجاج والقردان
الله يعطيكم العافية خلاص انا شفت الفايدة بعينيتعليق
-
رد: الدجاج والقردان
المشاركة الأصلية بواسطة فالح فلاح مشاهدة المشاركة
يعني تنصح به يا بو فلاح ؟
البخاخ ما فادتعليق
-
رد: الدجاج والقردان
الدجاج بعد يصيح لي جاها داب
وايضا الدجاج خاصه البياض يفيدك في اطعام الصبيان منه
وماتكلف اكلها من خشاش الارض واي شي زايد عند الصبيان[align=center]اللهم اني اشهدك واشهد ملائكتك وحملة عرشك واشهد من في السموات ومن في الارض ان لااله الا انت وحدك لاشريك لك واشهد ان محمد عبدك ورسولك[/align]
طهر قلبك بسماع ايات الذكر الحكيم
http://www.tvquran.com/
ماشاءالله
لااله الاالله
تعليق
-
رد: الدجاج والقردان
مجربه ونافعه بالنسبه لي ..
بس يبالك تعلمها الادب .. لانك من تحط علف " شعير او اي شي للابل .. تنط حظرتها كانها مدعوه للعزيمه .. وبعد ما تخلص .. حشاك تعشي الابل بقايا بطنها " اجلك الله " ..
بس تبي نصيحتي ..
خذ لك دجاج خيبر ... تراها ما تخلي شي ما تاكله ما شاء الله عليها .. انا جبت دجاج عمانيه سوت لنا حفله في العزبه .. ومن جبت دجاج خيبر ارتحت وحتى انهن علمن باقي الدجاج الطلعه من العزبه والتنظيف حولها .....تعليق
-
رد: الدجاج والقردان
انا والله ماعندي دجاج بس جاري عنده في العزبه دجاج ويمدحة بس كأنك تبيه عشان القردان والحلم والخمله فخذلك دجاج بس حطلك شبك اذا جا العج يطيرهن ويذبحهن والقيض يذبحهن
بس اذا اجتمع القطو والدجاج راحت على الدجاج اذا جيرنك عندهم قطوا راحه فيها الدجاجتعليق
-
رد: الدجاج والقردان
هذا الكلام من زمان يا فيصل أن القطو ياكل الدجاج أما الحين
( راحوا الطيبين)
هههههههههههتعليق
-
رد: الدجاج والقردان
اما عن تجربتي
اذا عندك مراح يلزمك اثنين
قط ودجاج
واذا البل والفت الشي والله لو تجيب معهن بقره
هي على الولفه والتعود
فوائد القط والدجاج ما لها حد
نم وانت وامن
بعد اذن الله لا تشوف قردان ولا فيران
والدواب والحيايا تجي على الفار
واذا قضيت على مصدر الدواب قضيت عليها
واما العقارب حدث والا حرج اذا شافها الديك
تلقاه يعرض عرضه اذا شاف عقرب
لا ولا يعطيها الى ازين حرمه عنده
وازيدك من الشعر بيت
القط ينوم بعض الاحيان في شبك الدجاج
وياويل الثعل اذا قرب عليهن
واذا في مراحك عامل هندي
فتراه ينبسط من الدجاج
خصوصا انهم يحبون الشكشوكه
على الصبح
عكس السودانيمجاهيم ـ نجد ـ عوارض
المملكة العربية السعودية
الرياض
تعليق
-
رد: الدجاج والقردان
الدجاج زين وله فوايد كثيره بس المشكلة يوسخ اعزكم الله يروح للكبره أو تنكر ويعفن فيه وعند الشديد يومك طرد بطرد امسك ديك ومسك دجاجه لين يومك متعومس ومن ناحية القط له فوايد في قتل الفيران وله مشاكل في وقت الليل يطرد الفار في حوش الابل وتدك الابل وتهج
تعليق
-
رد: الدجاج والقردان
الدجاج فوائده كثيرة ما قصروا الاخوان ينظف الحوش حتى دمن البل اللي تاكل شعير وحتى العامل يظمن فطورة من البيض
لكن عيبه يجذب الديبان للحوش من بيضه
الزين مثل الحـيـا متبوع @@ أن ماتلى الناس يتلونــه
والشين مثل المحل مقطوع @@ يمشون لين أيتعدونــهتعليق
-
رد: الدجاج والقردان
بندر
النار ما يطفيها الى الماء
جب قطو احسن واحسن
لا داب ولا جراذيه ولا فيران
مجاهيم ـ نجد ـ عوارض
المملكة العربية السعودية
الرياض
تعليق
تعليق