من يعطينا العلم وخاصة اهل الخرج

السلام عليكم ورحمة الله وبركاته ,,,,
العلم سلامتكم شريت لي ناقة من سوداني في الخرج ويقول انها من ابل البتال والناقة طيبة والسؤال طالت عماركم عن البتال وش يصير وشهو وسمه وكيف مستوى ابله.........
ياليت من عنده علم من الاخوان ما يبخل علينا ولكم جزيل الشكر وخالص الدعاء

رد: من يعطينا العلم وخاصة اهل الخرج

يامرحباااا يافــهد

هل انت تقصد الباتل ولا البتال اذا كان الباتل

اما عن الباتل فلا تنشـد افضل فحل منتج هو فحله

ووسمه واعلم الله المغزل والمطرق الى على العظيده من يمين والحلق على الرقبه

ولك من خالص الشكر

والبتال اول مره اسمع به

رد: من يعطينا العلم وخاصة اهل الخرج

الناقه وش لونها. مجهم ولا وضحي

رد: من يعطينا العلم وخاصة اهل الخرج

ابشر طال عمرك البتال الحمالين الدواسر وبلهم مجاهيم
طيبة جدا جدا جدا جدا جدا
ومشاركة فى ام رقيبة وبعارينهم طيبة جداجداجدا جدا جداجدا وحصل على المركز الربع
وسمه الكاز من اليمن
وسلامتك وانا شاللة انى افدتك

رد: من يعطينا العلم وخاصة اهل الخرج

عطاك العلم بدر بن زيد

رد: من يعطينا العلم وخاصة اهل الخرج

بيض الله وجيهكم ياشباب والناقة مجهم واللي جاب العلم بدر جعله يسلم من غير قصور في الاخوان