ممكن رايكم في الحوار

ابي رايكم في الحوار في واسالكم بالله بدون مجاملة





وترا القعود اسند بس في الصورة الاولى منتكس من الارض اللي هو فيها
والله يحفظكم جميعا
وكلنا لنرتقي بهذا الصرح الشامخ


اخوكم فارس الدهمي

حوار طيب ماشاء الله عليه
الله يطعمك خيره

انصحك انك تعالج القرع اللي في الحوار

هلا بك اخوي فارس،،



بصراحه الحوار عادي،، لا ارى مايميزه،، ولكن يبقى حوار لاتستطيع الحكم عليه،،



هذا رأيي بدون مجاملة كما طلبت ،،



وهناك من هم اكثر مني خبرة ومعرفة وان شاء الله يفيدوك اكثر،،




،،


،،

صبحك الله بالخير اخ فارس والله الحوار عادي جداً ولا فيه شي من الزين وعلى ما قالو تراه حوار سكين وهذا رأيي بصراحه

مغليك حمد المحيربي

الاخ العزيز فارس القعود مثل ماقالو الاخوان عادي ولافيه شي مميز والحوار يتغير اصبر عليه لين تحت وبرته

الاخ العزيز فارس القعود
عادي ولافيه شي مميزه

الاخ فارس الدهمي
انت طلبت الراي بصراحه وبدون مجامله وكل واحد بعطيك اللي عنده من الراي
وانا ودي ان الاعضاء يراعون في بعض الردود ولا يحتاج ان ابدي رايي في بعض الامور بصراحه مره وحده لاتمدح ولكن لاتطري السكين
(عادي جداً ولا فيه شي من الزين وعلى ما قالو تراه حوار سكين وهذا رأيي بصراحه)

تلقى بعض الاخوان عنده حيران زينها من ساعة تولد وهذا بيقول لك الحوار ماهو زين وتلقاه راعي مزاين وتقييمه على المزاينات وكانه عضو في لجنه

وتلقى بعض الاخوان جايع واول مايطري عليه اللحم وهذا بيقول مقصب وانت الله يعينك على الجميع

وتلقى البعض مثلي ماعنده حيران مزاين وبيقول لك( الولد والقعود مخلفين العهود) وانت اصبر عليه وخلال سنتين ثلاث يبين كل شي اذا الله احياك وياه واذا ابوه منتج وامه تهده لاتفرط فيه لين تشوف وش بيسوي اذا كبر

الحوار ماهو بحوار مزاين ولاهو بشين من وجهة نظري واصبر عليه اذا ماحدك على قيمته الزمن عساك ماتحتد على بيع من حاجه
ارجو ان ما احد يجي في خاطره شي
اخوكم
راشد العرق

العرق كلامك سليم وعين الصواب

الاخ / فارس
الحوار عادي جدآ جدآ ولافيه مواري للزين أبد وإذا كنت تأمل فيه زين فلاأعتقد أنه بيزين بعدين من الواضح لنا الان والمجامله لاتصلح لانكم أهل نظر 0