سؤال بسيييط ..:)

السلام عليكم ورحمة الله وبركاته ..

كيف الحال وش علومكم ...!؟


سؤالي يقول : لو عندي 6 نياق مزاين تحتاج شعير يومياً ؟ ولا مرتين بالاسبوع ولا وش الوضع !!!

عندي سؤال ثاني بعد لاهنتوا يالاجاويد

كم تحتاج 6 من الابل برسيم باليوم ؟؟؟

وبالمره جاوبوني على السؤال الاخير : متى اعطيهم تبن وانتم بكرامه ؟؟ وكم الكميه

جزاكم الله ألف خير

اخوكم : معاذ العتيبي

رد: سؤال بسيييط ..

أبدا معها بالتدريج بالنسبة للشعير من 20 كيلو زيد الكميه بالتدرج
وأنصح بمكعب الصوامع أو الوافي هو اللي يسمن الحلال بسرعة
أهم شيء بالنسبة للشعير إنك تنقعه في الماء من 7 إلى 10 ساعات

بالنسبة للربسيم خله ناقع عندها والمطعم لا يفضى من البرسيم ولا فيه داعي للتبن وانت بكرامه.

وسلامتك

رد: سؤال بسيييط ..

حياك الله

بالنسبه لشعير من رايي سطل بويه الصباح وسطل المغرب

و البرسيم المغرب بلكتين و التبن في وجه العدو خله ناقع عندهن على مدار اربع وعشرين ساعه

و ياليت تخلط مع الشعير خبز له نتايج طيبه

و انتبه اذا فيهن خلفات لا تقرب الشعير للخلفاء يسبب لك مرض المالطيه ينتقل مع حليب الناقه
و سلامتك

رد: سؤال بسيييط ..

تبي علمـــــــــي :

حط كيس شعير يوميـاً / والتبــن خلّه ناقع فالمعالـــــــــــــف ويكفي ..

أو نص كيس يومياً / مع بلكة برسيمه / والتبن خلها تسمر عليه ...

رد: سؤال بسيييط ..

أبدا معها بالتدريج بالنسبة للشعير من 20 كيلو زيد الكميه بالتدرج
وأنصح بمكعب الصوامع أو الوافي هو اللي يسمن الحلال بسرعة
أهم شيء بالنسبة للشعير إنك تنقعه في الماء من 7 إلى 10 ساعات

بالنسبة للربسيم خله ناقع عندها والمطعم لا يفضى من البرسيم ولا فيه داعي للتبن وانت بكرامه.

وسلامتك

طبق هالكلام وتعال شف شعرتها وحالها
تشوف الزين عل اصوله

رد: سؤال بسيييط ..

تبي علمـــــــــي :

حط كيس شعير يوميـاً / والتبــن خلّه ناقع فالمعالـــــــــــــف ويكفي ..

أو نص كيس يومياً / مع بلكة برسيمه / والتبن خلها تسمر عليه ...

أرشح رأي اخوي مشعل ..
من غير قصور في آراء أخواني الباقين

رد: سؤال بسيييط ..

ماقصرو الاخوان