متى بداية ضراب القعدان ؟؟؟؟؟؟؟

السلام عليكم ورحمة الله وبركاته

مبارك عليكم الشهر
وجعلنا الله وإياكم من صوامه وقوامه
وكل عام وانتم بخير


أتمنى من اهل الخبره يفيدونا مشكورين عن بداية ضراب القعدان على لقي والا حق والاجذع ؟؟؟؟؟؟؟؟؟؟

والا المسأله تختلف من قعود لآخر

رد: متى بداية ضراب القعدان ؟؟؟؟؟؟؟

جذع لذع ( يعشر ناقه واحده او البل كلها)
القي اذا كان ولاد المربيعانيه يعشر اذا كان حاله عدله والله واعلم
الحق مايعشر
|حسب معلوماتي

رد: متى بداية ضراب القعدان ؟؟؟؟؟؟؟

الجـذع احتمال يلقـح والقـي نادر من يلقح وان القح فهو فـآخر الهداد والحـق مايلـقح ابـد

حــســب عــلــمــي

رد: متى بداية ضراب القعدان ؟؟؟؟؟؟؟

بعض القعدان يلقح اخر لقاه يعني قبل دخوله جذع بشهر او شهرين يلقح

وبالعاده المعروفه عند العرب ان الجذع يلقح

والحق توه صغير ولا يلقح

رد: متى بداية ضراب القعدان ؟؟؟؟؟؟؟

لاتهد إلا اذا جذع القعود

اللقي نادر فيها الي يلقح

والحق توه صغير مايهد ولا يلقح ابد

رد: متى بداية ضراب القعدان ؟؟؟؟؟؟؟

لاتهده الا جذع
والقي نادر يلقح لاكن يكسر

رد: متى بداية ضراب القعدان ؟؟؟؟؟؟؟

الله يعطيكم العافيه على الرد والإيضاح

رد: متى بداية ضراب القعدان ؟؟؟؟؟؟؟

الجذع بعضهم يلقح وبعضهم ثنتين ثلاث

والقي يضرب ولا يلقح

والحق ما يلقح

رد: متى بداية ضراب القعدان ؟؟؟؟؟؟؟

علمه لقي وهده جذع

رد: متى بداية ضراب القعدان ؟؟؟؟؟؟؟

أرزاق يسوقها رب العباد ..

فليس بالشرط أن اللقي يلقح والجذع مايلقح ..

اللقي يلقح اذا قيس موعد ولادته بأول الهداد والا آخره .
والجذع بطبيعة الحال انه يلقح لإكتمال جميع أعضائه التناسلية .
والحق لا يختلف عليه اثنان أنه ما يلقح

رد: متى بداية ضراب القعدان ؟؟؟؟؟؟؟

الله يحيي الجميغ .
عندي قعودي جذع الشتاء اللي فات . ماشاء الله عليه لقح خمس من الابل .
الجذع يضرب الابل اما اللقي فهو يعلم ويمكن يلقح وحده بأذن الله .اما الحق فلا يلقح .... حتى لو هدر !
والصبر مفتاح الفرج .

رد: متى بداية ضراب القعدان ؟؟؟؟؟؟؟

كفو ووفو الآخوان اللي قبلي والله يرزق الجميع من واسع فضله..

رد: متى بداية ضراب القعدان ؟؟؟؟؟؟؟

عندي جذع القح وحده بس ومن اول الوقت

اربطه من هو لقي يتفحل اما تتركة هدد يبرد

رد: متى بداية ضراب القعدان ؟؟؟؟؟؟؟

ياخوي اذا كان القعود جذع ترى هداده بدري يمكن يعسره والافضل انك تهده شهر1 لين البعير يقوس

رد: متى بداية ضراب القعدان ؟؟؟؟؟؟؟

هل يختلف انتاج الجذع عن الثني عن الرباع عن السديس في الشكل بمعنى مت يحكم على انتاجه ولا بول البعير واحد