وش هي احسن طريقة لضراب العجوم

السلام عليكم
يا شباب كلنا مقبلين على موسم ضراب عسى الله يرزقنا واياكم
يا ليت نستفيد جميع وش احسن طريقة لضراب العجوم ...
اللي عنده طريقة مضبوطة لا يتأخر علينا .. والشكر للجميع

رد: وش هي احسن طريقة لضراب العجوم

على فكره قال لي شايب اعقل يدها اليسار ودخلها على البعير
وش رايكم بهالطريقة ؟؟؟؟؟

رد: وش هي احسن طريقة لضراب العجوم

أنا أشوف افضل الطرق لاتضرب الا المجسر اللي تبرك للبعير
وتكون في شبك مساحته معقوله وارضه زينه ودمثه

رد: وش هي احسن طريقة لضراب العجوم

والله ياخوك لاتظرب الا الميسر

ويكون جرمها زين

واذا البكره طيبه لاتظربها لين تجذع

لكي يكمل نماها وزينها

رد: وش هي احسن طريقة لضراب العجوم

افضل طريقه تبيت الفحل مع العجوم في شبك ماهو وسيع وارضه دماث
اللي ماتطيح له يغدرها وهي باركه
تقبل تحياتي

رد: وش هي احسن طريقة لضراب العجوم

افضل طريقه تبيت الفحل مع العجوم في شبك ماهو وسيع وارضه دماث
اللي ماتطيح له يغدرها وهي باركه
تقبل تحياتي

100 %

رد: وش هي احسن طريقة لضراب العجوم

نصيحة لاتعقلها للبعير يمكن ماهيب ميسر ويعسرها البعير ولا عاد تلقح

مثل ماقالوا الشباب خلها مع البعير لين يطلبها بنفسه

اتمنى لك التوفيق

رد: وش هي احسن طريقة لضراب العجوم

افضل طريقه انك تخلي البعير يضرب
اللي هو يبي على كيفه ولاتنوخ له يصير
طبع فيه ماعاد يطرح الناقه الا بفزعه

رد: وش هي احسن طريقة لضراب العجوم

ماتضربها الا لين تجذع ولاتحدها على الفحل خل الفحل يحدها ويضربها على كيفه ويمكن مايبها وغصبتها علية والفحل يعرف الناقه الميسر والي ماهيب ميسر والناقه الي مهيب ميسر ماتلقح والجذعه إذا غصبتها ولا حديتها ماتلقح بعض الاخوان يقولون خل الناقه تمسي مع الفحل طيب إذا الفحل مهوب لي واكثر الاخوان يضربون عند الناس الغريبه وانا منهم

رد: وش هي احسن طريقة لضراب العجوم

بما أنك يااخوي ماعندك بعير وتبي تضرب على البعارين الطيبه .

فـ انا اقول اطرح البكار وقيّدهن وخلهن في شبكهن عشان لاجاء سراك تظهر له الدنيا منهن وانت مرتاح لاطرد ولاعفرته ولاطرح بخراطه لن البعير يمكن يعافها لامنك انت طرحتها .

ففكها بقيدها وخله هو اللي يتصرف وسلامتك .
مع أني مااحب القيد نهائياً فالمطيه ولكن وجدت انها الطريقه المناسبه

...

وطريقة الاخ حاتم هي الافضل إذا كان البعير لـك .


...

تقديري

رد: وش هي احسن طريقة لضراب العجوم

البكره لاتغصبها للبعير يمكن يعافها ويمكن يكسرها ويعضها ويشوها .

عليك بالعلف الشعير ومن تتم البكره جذعه حط بحوض الماء خل الابيض مال الطبخ حول أستكانه شاي وراحه تطيح للفحل وأذا مجاب نتيجه اخر شي عليك بأبرة اليسره . والله أعلم

رد: وش هي احسن طريقة لضراب العجوم

اضم صوتي لصوت الاخ حاتم

رد: وش هي احسن طريقة لضراب العجوم

افضل طريقه تريح عمرك انك تعطيها ابرة جسره وبعد اسبوعين اضربها وان شاء الله انها تقوم معشر

رد: وش هي احسن طريقة لضراب العجوم

مرحبا بالجميع .
ابرة اليسره غير محببه الا للمضطر للاضراب لبعير غير بعيره !
من الافضل ترك العجم الى ان تجذع يجي لقاحها كبير وطيب , ويكتمل نمو جسدها .
لاتعقل البكره ولاتعلم البعير على المساعده في الاضراب .
ادخال الضرايب مع البعير في شبك واحد ( يمسن معه ) افضل يتاسرن بسرعه ويختار البعير اللي يبغاه من الابل .
والله اعلم .

رد: وش هي احسن طريقة لضراب العجوم

العجـوم أنـا أضربهـا لقـايــــــا

و بعضها ميسـر ولا تبرك للبعيـــــــر

و شكرًا