من يدلني وله مني الدعاء

السلام عليكم ورحمة الله وبركاته

(الدال على الخير كفاعله )

يالربع من يدلني على فحل طيب مجهم وله انتاج من قبل وله مني دعاء بظهر الغيب ماعندي الا ناقة وحده مجهم وابغى اتعب على شانها .لان باقي حلالي عمانياات.


بانتظار ردودكم .

وبالمناسبه عندي بعير اول انتاجه بنشوفه اخر شهر 11 والبعير على شاهين الكليلي والله يعطينا ويعطي المسلمين منه .من يريد الله يحييه ولاعليه الا يرسل حلاله ومخدوم .

رد: من يدلني وله مني الدعاء

الركاب المنتجة واجد لكن وين مكانك على شان نذكر لك البعير اللي قريب منك

رد: من يدلني وله مني الدعاء

مشكور لسرعة الرد ياجابر جعل من جابك في الجنه

انا بالجنوب بنجران

رد: من يدلني وله مني الدعاء

مراحب ياابوصالح ودياركم اهلها ادرابها
وان ارسلت ناقتك صوب نجد بستقبلها معززه مكرمه مع ابلي
ولاهيب راد الا معشر بإذن الله
ارسل لي على الخاص ان جازت لك الفكره
ولا نبي الا الدعاء منك لوالدينا

رد: من يدلني وله مني الدعاء

الاخ محمد : بيض الله وجهك ووجه القاريء لرسالتي هذه
مايستغرب الطيب من منبع الطيب وانا اخوك وانت وافي ومن وافين

جعل والديك الجنه وصل جميلك والله لايزيلك .

اخونا في المنتدى نايف بن سعود بيض الله وجهه اتصلت فيه ولاقصر رحب وهلا وعنده الفحل - جسران الله يبارك له فيه ويعدّيه عيون الشياطين
ولاهي غريبه على المطاليق شرواكم .
ولا يفوتني ان اشكر كل من رد على موضوعي والله يرزقكم من واسع فضله .

آخوكم/ هآدي صآلح .

رد: من يدلني وله مني الدعاء

الله يرزقق ويرزق الجميع قول أمين

رد: من يدلني وله مني الدعاء

آبو عقآب : اللهم آمين ويرزقك ان شاء الله من واسع فضله

جعل والديك الجنه ووالدي القاريء

رد: من يدلني وله مني الدعاء

كفو والله يامحمد التميمي واخونا هادي يستاهل وياسلام على المسابق على الطيب وكسب المغانم وعلوم الرجال ولا خلا ولا عدم ولا هيب غريبة عليكم وجعل ربي يبارك لك في حلالك وجميع أخواني أعضاء المنتدى