رايكم ياهل النظر في فحل المستقبل

السلام عليكم ورحمة الله وبركاته

كيف حالكم يااخوان

ابي رايكم في الفحل من راسه الى عرقوبة بدون اي مجاملة

وهل ينهد في جمل وسط ودون الوسط

وهو لقي

وكم تعطونة قيمة تحت المئة الف او فوقها وشكرا

http://mzayan.com/mlffat/files/7937.jpg

http://mzayan.com/mlffat/files/7938.jpg

رد: رايكم ياهل النظر في فحل المستقبل

القعـود كايف الله لايضره

عليه اللحي اللي قليلً حليّـه ماشاء الله و راسه مافيه زود كبر لكن اللحي والمشرب الراهي ماشاء الله مغطي على هالنقطه . كذلك الاذن اخذت عليها شوي

الرقبه عليها اختلاف من خلال الصورتين ..


وكانه على الصوره الاولى اشهد أنه فحل وكفو وقيمته ميات ماهيب ميه ..


ونطلب منك طلب تزويدنا بصور متعدده مع ذكر الساس نبي نكحل عيوننا بشوفته .. وعشان نقدر نحكم عليه .

رد: رايكم ياهل النظر في فحل المستقبل

مرحبا يالغالي وحياك الله بالنسبه لشكل إذا هو على الصوره الأولـــه

فأأأأنـــا أقول لــكـ من عبر هذا المبر هدددددده وماجاكـ عندي حتى لو كان أصلـــه مضروب" جنبه فالبعير يجيب شكله

وقيمته من الأربــع ميه إلى خمس ميه وفووووق أعيد وكرر إذا هو على الصوره الأوله

ونطلب منك تزودنا بصور جديده

رد: رايكم ياهل النظر في فحل المستقبل

لاهنتو يا مشعل وسالم

والقعود طيب واهو اقرب الى الصورة الاولى واما الصورة الثانية فهي ظالمتة

وبصورة ان شاء الله قريب

واما ساسة فهو طيب وابوه او جدة مبيوع على الامير سلطان ب3مليون

ونرجو من باقي الاخوان طرح ارائهم

رد: رايكم ياهل النظر في فحل المستقبل

مااايحتاج ياسفر تنشد عن هالفحل ..
عسى الله يبارك لك فيه
هده واطلب من ربك يبارك لك فيه
والله يرزقك منه البكار اللي تبيعها على خمس وست ميه ألف ..

رد: رايكم ياهل النظر في فحل المستقبل

كااايف شيخ الله يستر عليه ويرزقك الله انشالله

رد: رايكم ياهل النظر في فحل المستقبل

ماشاء الله تبارك الله

الله يرزقك بالبكار الغوالي عليه

رد: رايكم ياهل النظر في فحل المستقبل

القعود كايف بس عضامه دقاقه شوي بس مايعيبه

رد: رايكم ياهل النظر في فحل المستقبل

مشاء الله قعود كايف اذا هذا ماتهده وش ينهد اجل الله يبارك لك فيك ويرزقك الانتاج الطيب الي يغنيك

رد: رايكم ياهل النظر في فحل المستقبل

حلوا بالقعود

مشاء الله تبارك الله
القعود فحل وينهد
والرزق عند الله
الله يرزقنا وياك من واسع فضله

رد: رايكم ياهل النظر في فحل المستقبل

القعود طيب ويعتبر من الفحول الي تنهد في البل الطيبه ولكن عليه بعض الملاحظات البسيطه صخيف شوي يعني ما عظمه بجليل وراسه تصاغرة بس مدام انك عارف ساسه هده وتوكل على الله ونتمنى لك الانتاج الفاخر ان شا الله.

رد: رايكم ياهل النظر في فحل المستقبل

مرحبا اخوي سفر

الله يبارك لك فيما تملك ويوفقك الانتاج الطيب : ( أنا احكم بالنسبه للصوره الاولى )

من ناحية الرأس:

الرأس طيب بالنسبه لعمره كونه لقي وهو ما هو الطيب التام ..بس انا اشره على صنقر البعير واشوف انه امسح والاذن صغيره ومشوحها ما هو مشوح اذن المجهم المعروفه كون رسمتها قصيره ماهي ورقِه ، الرثمه طيبه ومرغبه فيه واللحي طيب بالحيل وطفحته مجمله

الرقبه:

الرقبه لحيمه شوي ولا هي الطويله بالحيل ومطلعه مقبووول

الغارب: اقل من المتوسط وسدو جنبه طيب وهو يقصر عن سدو المجهم المعروف

وبرته سهاويه يرغبها هل الخليج اكثر واهل نجد يحبون العكشا

له عيز طويل شوي مشين سنامه ومهدفه

العظم جله متوسط وهو الطيب والمطلوب والطول ما قدرت احمكه ولا العرقوب ولا المقفى لعدم وضوحها


( وانا اقول هده وتوكل على الله ... البدو يقولون هد الفحل وتحل )



أما بالنسبه للقيمه حسب الراغب بس اتوقع من 100-150 يسواها



والاصل يرفع القيمه ويهبطها

تقبل نقدي لو كان قاسي شووي واتمنى لك وللجميع الانتاج والحظ الطيب

رد: رايكم ياهل النظر في فحل المستقبل

والله ياخوك .. من ناحية الصور الاولى

هده وأتكل على ربك .. وأطلب التوفيق

.. وأنشاءالله بتبيع بـ خمس مية وست ميه الف !!

تقبل تحيإتي ..

رد: رايكم ياهل النظر في فحل المستقبل

القعود طيب واعطيه رقم 2

والله يبـارك لك فيه


وتشوف انتاجه اطيب منه

..

رد: رايكم ياهل النظر في فحل المستقبل

انا اقول اكرم القعود

انت اللي مشينه ارك عليه العلف وخله يمشي

واما بالنسبه لشكله الظاهر مشعل الشويش ماخلا لنا وصف ماشالله عليه

واما القيمه صعب تحدديها لانك لو قلتلي انك شاريه بعشره بصدقك ولو قلت شاريه 100 بصدقك

والله يرزقك بالانتاج اللي يسرك