رايكم في القعود

السلام عليكم ورحمة الله وبركاته

اخواني الافاضل ابي رايكم بالقعود من ساسه الى راسه

الاسم| .................................................

ابوه | اول شي اسمع رايكم بعدين اعلمكم ببوه

السن ـ ثني

كم تعطونه سعر

عطوني رايكم بمانه وبدون مجامله الله لايهنكم


اخووكم
عيد بن سعدون





.......




.........




.........




............





........

رد: رايكم في القعود

القعود عاااادي
بكل امانه مايصلح فحل
دور اطيب منه الله يرزقك

رد: رايكم في القعود

مرحبااا

ماعندنا مجامله ان شاء الله وانا اخوك .

والبعير على شكله ( ماينهد فالبل ) والله يرزقك بااطيب منه ...

السعر مثل اللي مربط في الاسواق .

واصله انت ادرى بـه .

وسوالم

رد: رايكم في القعود

سعد حمود العوني
اشكرك على مروك

ورايك الذي احترمه واخذبه

اتمناك التوفيق

رد: رايكم في القعود

مشعل الشويش بيض الله وجهك وجزاك الله خير على الراي الطيب

وعندي سؤال لاني ماذكرت ابو البعير من اجل مايؤثر

على رايكم وبما انكم عطيتوني الراي السديد

سؤالي هل ساس الجمل وان كان شكله مايؤهل يؤثر على انتاجه

ومن الممكن ان يكون الانتاج طيب وزين

لان هذا الجمل حسب كلام الي شريته منه ابوه بعير الطهيمي

وسؤالي عن السعر لان الى شريته منه يقول انه شاريه بسبعين (70) الف

وان البعير وهو حوار ماشري 100الف

انتظر تعليقكم والف شكر

رد: رايكم في القعود

دامك شريته توكل على الله وهده وعسى الله يعوضك

رد: رايكم في القعود

البعير اقل من عادي
واعتقد انه لايمت صله ببعارين الطهيمي والله يعوضك باخير منه

رد: رايكم في القعود

مشعل الشويش بيض الله وجهك وجزاك الله خير على الراي الطيب

وعندي سؤال لاني ماذكرت ابو البعير من اجل مايؤثر

على رايكم وبما انكم عطيتوني الراي السديد

سؤالي هل ساس الجمل وان كان شكله مايؤهل يؤثر على انتاجه

ومن الممكن ان يكون الانتاج طيب وزين

لان هذا الجمل حسب كلام الي شريته منه ابوه بعير الطهيمي

وسؤالي عن السعر لان الى شريته منه يقول انه شاريه بسبعين (70) الف

وان البعير وهو حوار ماشري 100الف

انتظر تعليقكم والف شكر

وجهك أبيض أخوي عيد ..

أمّا بخصوص سؤالـك :

اقـول : نعـم البعير اللي ساسـه طيّب وشكله ( عـادي ) قد ينتج أنتاجً طيّب ولاحظ أني قلـت ( عادي ) ولا قلـت ( أقل من عادي ) ..

لإن ( الردي ) على اسمه ولافي عطايا الله ردي ولكن المسأله هنا ( جمالياً ) ..

ومسألة الانتاج في هذا النوع تعتبر نسبيـه وغالباً لاتعتمد على جمال الناقه فمثلاً يلقّح من البعير 20 ويصيب منه واحده او ثنتين وهن اوسط البل أو أقلّهن زين !

وهناك فحول كثيره اعرفها شخصياً وواقف عليها اشكالها عاديه جداً وانتاجها طيّب .. ولكن بالملاحظه الدقيقه تكتشف بعضاً من عيوب البعير في انتاجه ..

ولابـد من ظهور بعضاً من انتاج البعير على شكلــه بغضّ النظر عن الاصـــل ....

فــ انا انصحك نصيحة أخـو : كان ماانـت متأكـد 100% من أصله لاتهـدّهـ .. !!

ولـو بعيـرك عدل ورقاق ولو مافيه زيـن قلت يمكن ؟

ولكن هذا النوع من البعاريــن فالغالب يجيب على شكلـه ...

والتوفيق بيـد اللـه عز وجـل فكم من واحدً شرى من غير ساس وشكل بعد ووفقه اللـه ...

الحظ ..

...

تقبّل مروري .

رد: رايكم في القعود

البعير عادي
والله يرزق خيراً منه
لكن على بعير الطهيمي ما ( أظن )

رد: رايكم في القعود

اذا بتهده على شان اصله فلا تشيخه في البل

والله يرزقك بالانتاج الطيب

شكرا

رد: رايكم في القعود

اشكركم على ارائكم القيمه والتي ستكون في عين الاعتبار

وجزاك الله خير اخوي مشعل على التوضيح الوافي

والاخوان الي قالو مانظن انه على بعير الطهيمي

اقول لهم الرجال يحلف والرجاجيل الي يعرفونه

يقولون صدوق وان شاء الله راح اتأكد من الامر اكثر واكثر

اتمنا للجميع التوفيق

رد: رايكم في القعود

الله يرزقك بأفضل منه

رد: رايكم في القعود

الاخ عيد الله يباركلك في القعود لاكن انا اقول والله اعلم
انا الرجال صادق انه من زمل الطهيمي لاكن
ام البعير ماهي من ابل عليان والله اعلم

رد: رايكم في القعود

ما قصرة ياعيد على التصوير عزا الله انك ماخليت عليه قاصر لكن الفحل عادي انا احسب انه ناقه وترى شكل الفحل اهم شي قبل انتاجه واذا حصل شكل واصل هذا الي وصى عليه الدكتوراما اذااجتمعت لااصل ولافصل ولاشكل ليش اسميه فحل ولاتغتر بكلام العامة هذا ابوه فلان وهذا ابوعلان عليك بشكله اول وبعدين انشد من اصله هذا واتمنى لك الحظ السعيد .

رد: رايكم في القعود

[ALIGN=CENTER][TABLE1="width:95%;border:4px double white;"][CELL="filter:;"][ALIGN=center]
الله يرزقك ويبارك لك فيه * والبعير(عادي)جدا تقبل مروري
[/ALIGN][/CELL][/TABLE1][/ALIGN]