إستفسار عن حاكمان

السلام عليكم ورحمه الله وبركاته

يالربع بنشدكم عن حاكمان الهرش اللي موجود عند سمو الامير سلطان بن عبد العزيز آل سعود شافاه الله وعافاه

وأظن إن الفصام قد هده كم سنه وعنده إنتاج عليه .. من يعرف شي عن إنتاجه وهل إنتج فرديات وإلا إبل جمل

أرجوا من لديه معلومات لا يبخل علينا وبيض الله وجيهكم على كل حال ..

رد: إستفسار عن حاكمان

راح حسن بن هدال راعي فزاعه معه واحد من الصخابرة للفصامالصيف الي راح يبون فحل لقو قعودين طيبه بالحيل نشدوا عنها وكلا الفصام قالو انا هدينا مشعوفان وحاكمان مع البل ولا ندري وشهي عليه منهن والقعود الان لقحت عليه البل اختارو واحد قالو يسام بخمسه مليون ساموه بسته ولا باعوا وحدوه بعشره ولا شروا

رد: إستفسار عن حاكمان

الاخ العزيز خالد

بالنسبه ل حاكمان ابوه مزعل ولد مسربلان وهو اخو مشعوفان من الفحل

وامه الحاكمه بنت مسربلان وامها منهومه نومان البقيع المري

وهي اطيب ناقها قد قناها الفصام

والبعير مثل باقي الركاب يحذف فرديات ويحذف عاديات

رد: إستفسار عن حاكمان

صحيح مثل ماقال اخو حمد الغواص البعير موجود
عند الامير تركي بن محمد بن فهد ال سعود في مزرعه اللقيح

رد: إستفسار عن حاكمان

بيض الله وجيهم ولاااهنتوا

والبعير مثل ما قلتوا عند الأمير تركي بن محمد

والأمير امنحه لواحد من الربع .. لكن السؤال وش الفرديات اللي أنتجها البعير

والبعير قده هرش ؟؟