سؤال عاجل جدا جدا

السلام عليكم ورحمة الله وبركاته

اخواني الافاضل معروض ذود 50متن مع وايت سقس للبيع

الابل اقل من عادي جدا رايكم لو شريتها 7الاف جمله فيها مكسب

ارجو النصيح جزاك الله الف خير

رد: سؤال عاجل جدا جدا

51 * 7000 = 357000
اقل شئ تبيع الوايت 180الف
ربحان من امس الضحى

رد: سؤال عاجل جدا جدا

ياعيد البل وشلونهاااا ؟

السقس نوعه موديله ..؟

رد: سؤال عاجل جدا جدا

السقس كم مديله وش نضافته
والابل وش لونها وهل هي فطير ولا وش

رد: سؤال عاجل جدا جدا

اذا الابل ماهي كبار ماهي فطر وعمارها حلوه ومافيها امراض

توكل على الله ولا تشاور احد وانت مغمض

موفق خير

رد: سؤال عاجل جدا جدا

اسف الوايت عادي 76 ماهو سقس ونظيف قير وما كينه يحتاج تربيط وتنجيد وتلميع الغماره

والابل 17لقح فيها 3اواربع فطر والباقي شبب وبكار

الوانها اغلبها وضح
والف شكر لكل الاخوان الي افادوني برايهم

اتمنا للجميع التوفيق

رد: سؤال عاجل جدا جدا

اهم شي لون البل .......؟

رد: سؤال عاجل جدا جدا

لا تحرص عليهااا

الوقـــت الحاالي النااس ماتبي غير زين

العااايدي مايمشي فـي السوق الا انها خلفه

رد: سؤال عاجل جدا جدا

الوايت من 120 الى 130 الف اذا نظيف
وانا اشوف ان ماورها مصلوح مدامها اقل من عادي
هذا سعرها

رد: سؤال عاجل جدا جدا

أحرص على الطيب ولوكان غالي
لوتشري بقيمتهن خمس انياق أفضل من ميه
أقل من عادي على كلامك
وفقك الله للي لك به خير وخيره

رد: سؤال عاجل جدا جدا

اذا هي على كلامك اقل من عادي

انصحك ماتشريها وانت شفت البل واحكم عليها او شاور عليها

والوايت ماراح يتعدى 130

والمشاور بالكلام ماينفع يمكن فيه ثنتين او ثلاث من البل تكون طيبه وبتكسب

ويمكن الكل بيكون عادي او من ابل الحجاز قصيره فا اظن ان مافيها مكسب والله اعلم

رد: سؤال عاجل جدا جدا

الف شكر للجميع على النصيحه
وخذت براي من قال مابها مصلوح لاتحرص عليها

والله يرزق راعيها من واسع فضله

وجزاكم الله خير