المشورة ياهل البل

السلام عليكم ورحمة الله وبركاته
بحمد الله اشتريت من إبل سمو الأمير تركي بن محمد بن سعود الكبير الوضح والشعل قعدان مفاريد فيها وضح بعضهاعلى غزيلان بعير الأمير وبعضهاعلى الأخطل كذلك بعير الأمير وفيها شعل على الزعيم بعير الأمير وفيها أحمرعلى الزعيم كذلك وأبي أفحل منها رأيكم متى يبين الزين فيهن علما بأني أملك من البل وضح وشعل شاكر مروركم ومشورتكم

رد: المشورة ياهل البل

وعليكم السلام ورحمة الله وبركاته
اولا أبارك لك على هالصفوه من ابل الامير تركي وهي ابل ارداها يسوى واجد
ثانيا الحكم ياسلمان بعد ماينتج البعير واللي يحكم على مفرود او بعير ماله انتاج ويجزم انه فحل هذا غير ملم بالابل
الله من فحل منتج ويجيك من حيرانه شي مايرضي راعي الزين
من رأيي
الاحتفاظ بالقعدان كلها طلما انت عارف ساسها
وانا متأكد انها في زود
تهدها وتشوف إنتاجها ويمكن الله يرزقك منها بالاضعاف

رد: المشورة ياهل البل

اذا كان القعود زين والساس طيب وشفت إخوانه وخواته طيبة اصبر عليه

رد: المشورة ياهل البل

الإخوان
محمد الوهبي التميمي شاكر مرورك ورأيك رأي مبارك
فيصل الخييلي شاكر مرورك والاساس طيب وأنا أخوك لأني أنا اللي شاريها بنفسي من مراحها

رد: المشورة ياهل البل

مانقول ألاّ الله يبارك لـك .

ومبروووك يابن فهـد .

وانا والله مااعرف انتاج هالفحول متى يطلع زينهاا ..

يعني هل هي عاديـه يوم تسأل متى تطلع ..؟!

والقعود مخلف العهود ..

والسـااااس هو ( العلامه الفارقـه ) . وسلامتك

رد: المشورة ياهل البل

الله يبارك لك في حلالك

من رأيي الشخصي وحسب الممارسة أقول : بالنسبة للشكل فالقعود يتغير مع الأيام , والمرحلة القوية في التغير هي من السنة الرابعة (إذا صار القعود لقي) تتضح ملامح الزين تدريجياً

لأنه في طور النمو الجسماني ويتدرج في التغيّر إلى السنة الخامسة (جذع ) والسادسة (ثني) والسابعة (رباع ) وبعض القعدان تغيّره بسيط جداً ,,واللي عموقة طيّبة تغيّره قويّ بالحيل

حتى إن اللي قد شافه ( حق ) مايعرفه وهو ( جذع ) من شدّة التغير.

وسلامتك وسلامة الجميع.

رد: المشورة ياهل البل

الإخوان
مشعل الشويش الله يبارك فيك وأنا ماأسأل عن الساس لأن ساسها طيب أنا أسأل عن زينها متى يظهر ويبين وأنت والإخوان ماقصرتوا وشوركم وهداية الله
مشعل الغنامي الله يبارك فيك شكرا على التوضيح والتفصيل ومرحبابك شورك وهداية الله

رد: المشورة ياهل البل

شوف النياق امهات القعدان وين اطيبها فحل ولدها و لا تشاور

رد: المشورة ياهل البل

اخوي سليمان با النسبه للتغيير علمه عند الله ويعتمد على طيب القعود من رداه قيه منها من يعجبك وهو حوار ولكن يتراجع تراجع ملحوظ وفيها منه يتطور تطور هايل وقوي وانت شف الي فيه مواري زين ومه زينه وحرص عليه وحطة تحت المراقبه الدقيقه ويبين لك مع الوقت هذا ونتمنى لك التوفيق.

رد: المشورة ياهل البل

الأخوة خالد علي ومحمد حبيب لاهنتوا جميعا ورايكم الرأي المبارك