من يعرف صلال السبيعي وبعيره الاصفر ... ؟

السلام عليكم ورحمة الله وبركاته

اسعد الله مساء / صباح الجميع بكل خير

يا جماعة ابي فزعتكم في البحث عن مالك فحل اصفر اسمه / صلال السبيعي

و
اي معلومه عن الفحل وانتاجه .... وعن موقع مقيضه هالسنه

مع عظيم شكري وامتناني لكم

دمتم بخير

رد: من يعرف صلال السبيعي وبعيره الاصفر ... ؟

مرحبا يا يا فهد

انت تنشد عن فحل صلال السبيعي

البعيرموجود معه وهو من ابل الامير مشعل بن عبد العزيز

وبالنسبه لنتاجه فاخر الله يستر عليه

رد: من يعرف صلال السبيعي وبعيره الاصفر ... ؟

يافهد مساك الله بالخير
قيضت عندة وشديت شهر خمسة
من عند فيضة خريم غرب الفيضة
وأنا اشهد أن بعيرة منتج وينعنالة ماشاء الله
والله يبارك لبو فالح في حلالة ومالة
وهذا الي قدرة أذكرة لك
عاد مدري هو في محلة ولا شد
وشـــــكـــــــرا

رد: من يعرف صلال السبيعي وبعيره الاصفر ... ؟

هلا بك

هذا الفحل وأسمه الشامخ



وهذا أنتاجه


ومع المقهور

رد: من يعرف صلال السبيعي وبعيره الاصفر ... ؟

اخوي صالح المطوع وعبدالله ال وندان وطلال بن عقاب اشكركم الشكر الجزززززززيل

الله يبيض وجيهكم ويرحم والديكم .... ويرفع قدركم

شكرا شكرا

لكن انا سمعت ان الابل باكستانيات هل هذا صحيح؟؟ ...

واخوي عبدالله وين مكانه بالتحديد لو تكرمت... وهل تخدمني وتعطيني رقم جواله إذا هو معك؟؟

مع بالغ الشكر والتقدير والاحتراااااااااااااااام للجميع

رد: من يعرف صلال السبيعي وبعيره الاصفر ... ؟

ما شاء الله تبارك الله
يعطيك العافيه يـا طــــــلال على الصور
الله يبارك له في حلاله

رد: من يعرف صلال السبيعي وبعيره الاصفر ... ؟

اخوي عبدالله البعير منتج وامهاته ماهي باكستانيه

وبالنسبه لموقعه للحين بروضة خريم ومعي من انتاجه بكره مفروده حمرا عليها 70 الف

رد: من يعرف صلال السبيعي وبعيره الاصفر ... ؟

أخوي فهذ البل والبعير ماشفت فيها عرق باكستاني ابدااااااا
وموقعه خابره قبل مايجيك كبري الفيضة وانت وجهك شمال باتجاه رماح
قبل الكبري تقريبا بثلاثة كيلو يجيك على يدك اليمين برج جوال
تاخذ من عند البرج يمين وجهك شرق تمشي اربعة كيلو تحصلة
ومن نشد ماضاع وجوالة العذر والسموحة لايحضرني
هذا اذا ماشد من محلة
وشكرااااااااااااااااااا

رد: من يعرف صلال السبيعي وبعيره الاصفر ... ؟

لا هنتوا ......... والله يجمل حالكم .... بيض الله وجيهكم يالكرام