الناقه الناتع

السلام عليكم ورحمة الله وبركاته
الأخوه الكرام شريت لي ناقه عشراء من أسبوعين والناقه الضاهر عليها إنها ناتع نفسها شينه ولاتأكل ماالحل الله يجزاكم خير

رد: الناقه الناتع

مرحبا يا علي

الله يعينك كلها ايام ويطيح ما في راسها والله الله فيها باللقام التمر الطحين

وانا سمعت سوالف كثيره عن النتاع والله يعديك اياها

شكرا

رد: الناقه الناتع

بيض الله وجهك ياجابر الله لا يهينك .ولا لنا غناه عن خبره ومشورة الأخوه في المنتدى

رد: الناقه الناتع

خلها في الشبك كم يوم والله الله فيها بالطعام واذا جاء العصر وانت عندها قيدها وفكها برى الشبك وخل عينك عليها وان شاء الله يطيح مافي راسها واذا استمرت على النتعان بعد شهرمن هذه الطريقة بعها وافتك منها لا تغدي ببلك

رد: الناقه الناتع

الله لايهينك يا عبدالله.والطعام واجد عندها ولكن ماهي بتأكل مع العلم ليس بها مرض وحالها كل ماله يشين ولا أدري وش الحل معها.