مقارنـه بين بعيريـن وضح ( أيهما اجمل في الشكل ) ..

السـلام عليكـم ...

اتصل بـي أحد الاخوان الكرام وقال نزّل هالصور فالاسئله والاستشارت .

علماً ان البعارين ملكه

الرجال يبي رايكم يـ آل مزاين يااهل النظـر ..

أيهما أجمل في (الشكــــــل ) .. أما الانتاج راعيها ادرى بهاا ....

واتمنى ايراد الاسباب ليه ذا اطيب من ذا والعكس .

...........


البعير الاول








البعير الثاني







...............

جديـد :


الأوووول :

ربـاع

وانتاجه في بطون البل

البل بتولد عليه هالايام









......


الثاني :

منتج وانتاجه طيب طيب طيب وساسه على الباتل .












انتاجه :











...........

وانا يااخواني ما لاحضـت ان فيه شبه إلى درجة انكم تعتبرونه بعير واحـد ..
صحيح أن بينهن شبه ولكنه ماهوب لهالدرجه !


اسبروا رقبة البعير الاول والثاني واسبروا تركيبة الراس فرقها كبير

والبعير الاول اسبروا عيزه قصيف واقفز والبعير الثاني سناد .

رد: مقارنـه بين بعيريـن وضح ( أيهما اجمل في الشكل ) ..

يابوذعااار الصور لفحل واحد و اثنين

يا قربها لبعض

لي رجعه انشاء الله

رد: مقارنـه بين بعيريـن وضح ( أيهما اجمل في الشكل ) ..

يابو ذعار
لو عرضت لك صورة شويخان هايج وشويخان فادر بتقول الاولى اجمل ويمكن بعض الناس مايميز انها لنفس البعير
لتكون المقارنه صحيحه عطنا صوره للثاني وهو هايج علشان مانظلمه مع العلم ان مقاطع البعارين قريبه من بعض
تقبل تحياتي

رد: مقارنـه بين بعيريـن وضح ( أيهما اجمل في الشكل ) ..

يابوذعار
البعيرالثاني هاللي صورته نقلتها هنيا فارق بالزين في الراس و الرقبه والوبره وفي جبر العظم وهذا نظري والله لأعلم..

رد: مقارنـه بين بعيريـن وضح ( أيهما اجمل في الشكل ) ..

مافيه مقارنه البعير الاول هايج ويهدر

والثاني فادر ..


لكن الثاني اطيب من الاول رغم التشابه بينه وبين الاول في اشياء كثيرة

رد: مقارنـه بين بعيريـن وضح ( أيهما اجمل في الشكل ) ..

موضوع كفووومافيها شي زين لكن الرجال لايدري تقبل مروري

رد: مقارنـه بين بعيريـن وضح ( أيهما اجمل في الشكل ) ..

مرحبا بالجميع ...

والله يااخواني هذا ماوصلني من راعيهن

وجد رقمي فالموقع وكلمني وارسل لي الصور وقال نزّلهن ..

وسلامتكم

رد: مقارنـه بين بعيريـن وضح ( أيهما اجمل في الشكل ) ..

البعير الاول أن ماخاب ضني أنه من سلالت الهدب
والشباب يقولون الاول هو الثاني والله مدري
لكن الثاني أحسن من الاول
وكلهن بشكل وسط
ولكن الانتاج يفرد
والصوره الثانيه أشد فلاش وضو
ومشاركتي لجلك

رد: مقارنـه بين بعيريـن وضح ( أيهما اجمل في الشكل ) ..

الصورة لبعير واحد والله اعلم

والبعير وسط في كل شي

رد: مقارنـه بين بعيريـن وضح ( أيهما اجمل في الشكل ) ..

البعير واحد يارجال اضاهر انه من سلالة فحول ابن مهنا
البعير من ابل سبيع الضاهر
ننتظر الجواب

رد: مقارنـه بين بعيريـن وضح ( أيهما اجمل في الشكل ) ..

الصوره لـ بعير واحد

وشكله وسط مافيه شي يجذب

والله يرزق راعيه باطيب منه

رد: مقارنـه بين بعيريـن وضح ( أيهما اجمل في الشكل ) ..

الصوره لنفس البعير .... الصوره الأوله هايج والثانيه وهو فادر


والله يرعاك

رد: مقارنـه بين بعيريـن وضح ( أيهما اجمل في الشكل ) ..

الله يرزقه بطيب منه
الاول هو الثاني وبكل الحالات تعد عاديه او اقل

رد: مقارنـه بين بعيريـن وضح ( أيهما اجمل في الشكل ) ..

مرحبا اخوي مشعل يامقرب الفقعه من الرقروق جرومها رديه وزينها طيب ومتساويه في الرقبه والراس .

رد: مقارنـه بين بعيريـن وضح ( أيهما اجمل في الشكل ) ..

بينهما شبه كبير
بس الاول اطيب سبال من الثاني
والثاني ازين لون
والضاهر انهن اخوان