استشاره عاجله

الاخوة مرتادي هذا المنتدى وفقهم الله
السلام عليكم ورحمة الله وبركاته وبعد
الحقيقه لدي استشاره واتمنى الافاده انا معروض علي خلفه طيبه طيبه جدا ولكن فيه عذروب وهي ( الذيبه ) مع العلم ان حالها طيب واكلها طيب هل تشيرون علي اني اشريها وهل لها علاج وهل المرض يؤدي للموت اتمنى من الجميع الافاده وبأسرع وقت ممكن مدمتم

الاخ على
عليكم السلام ورحمة الله وبركاته

بالنسبه للذيبه ماتؤثر على الناقه الا في براكها واذا جات تقوم وغيره ما يبين عليها شي ولا اظن له علاج ولو كان له علاج كان مالقيت احد عنده مطيه فيها ذيبه
واللي اعرفه ان هذا المرض يجي بالوراثه وبالاسرار من الاول كانو البدو مايدانون اللي فيه ذيبه او البعير اللي اماته فيها ذيبه والان يهدون الفحل اللي فيه ذيبه وهو توه قعود ولا عاد همهم الذيبه

ولو انك اذا صادف يوم وانت تبي تحلبها وشفت سوات الذيبه فيها وهي تحاول تقوم تعور قلبك عليها
وانت صاحب القرار في انك تشتري الناقه ولا لا

الله يوفقنا وياك لما فيه الخير في الدنيا والاخره


اخوك راشد العرق

وعليكم السلام
الأخ علي
أبو علي ماقصر
ولكن لي تعليق
أذكر أن أحد الأصدقاء
قال لي أنه كان عند خاله فحل
فيه ذيبه ، وشوفته تعور القلب خصوصًا
لاجاء يقوم أو يبرك ، يقول جاءهم واحد وقال
خلونا نكويه ، وكووه ، يقول يوم جاء يبرك ماعاد
قدر يبرك ، وبعد جهد يالله يالله برك ، وأول مابرك أنفقع
الورم وطلع منه صديد أبيض ، وبعد ذيك الكويه عافاه الله ، عمومًا
هي تجربه حبيت أنقلها لكم ، وإن كان أحد جربها قبل أو سمع عنها يفيدنا
وشكرًا

الاخ على في المره القادمه اذهب للعياده
اذهب الى هذا الرابط
http://www.mzayan.com/vb/showthread.php?t=1608
اخوك

الاخوان راشد وخالد وفيصل بيض الله وجهيكم على المشوره ولا خلا منكم ولاعدم على مروركم

ودمتم