استسار عن مصطلح

السلام عليكم ورحمة الله وبركاته
كثيرا مانسمع الناقة عطفت اوالناقة درت وش ضد هالمصطلح
سمعت انه غاورت او حولها مادري بالظبط
الحليب الي في ديس الناقة وش يسمى علما بان الاخوان السودانيين يسمونه غرار
وجزاكم الله خير

1-عندنا نقول (الناقه خالفت)
2- والحليب الباقي في الديد نسميه (الصرار) أو (السيا)
وسبب تسميته بالصرار لان بعض البدو كانوا يصرون الخلفات عن عيالها ولايستخدمون الشماله وبالتالي يوم يفكون الصرار يجدون بقايا الحليب اللي قبل العطيف
وهذا على حد علمي وماهو منتشر في منطقتنا

[طراد العتيبي]

الناقة عطفت اي درت ...... وغاورت اي خالفت وهو ان تدر الناقة ولكن لايوجد من يحلبها ويبقى الحليب بديسها

الحليب اذا مادرت الناقه او بعد ماتشغر او تغاور يسمونه (وشال) وهو الحليب بدون ماتدر الناقه

اخوك راشد العرق

1-عندنا نقول (الناقه خالفت)
2- والحليب الباقي في الديد نسميه (الصرار) أو (السيا)
وسبب تسميته بالصرار لان بعض البدو كانوا يصرون الخلفات عن عيالها ولايستخدمون الشماله وبالتالي يوم يفكون الصرار يجدون بقايا الحليب اللي قبل العطيف
وهذا على حد علمي وماهو منتشر في منطقتنا

اوافق العماري

وتختلف اللهجه من منطقه لاخرى

اشكر الجميع عل المرور