أقلط ياراعي العلوم

السلام عليكم ورحمة الله وبركاته

مساء الخير

يالربع ابي أنشدكم عن أبن خضر الشراري وعن فحوله الهجن

يسمونها أهل الشمال الحراير .. ياليت تعطوني أخبار عنها ..

لأن جايني قعود على بعيره وأذا أبوه طيب ومعروف ضميته ..

لاهنتو ..

رد: أقلط ياراعي العلوم

وينكم ؟؟؟؟؟؟؟؟؟؟؟؟؟؟

رد: أقلط ياراعي العلوم

يامتعب لو فيه احد يعرف شي عن اللي تبي اضمن لك انهم ماراح يتأخرون عنك
لاكن اللي اعرف ان الشرارات يملكون سلالة طيبه من الهجن

رد: أقلط ياراعي العلوم

الحراير هجن اصيلة من هجن اهل الشمال ذات جلد وصبر على المسافات الطويلة والشرارات اشتهروا بحراير يقالها بنات وظيحان واعظم وصف لهجن الحراير هو قصيدة لشاعر الدندان رحمة الله عليه وعلى موتى المسلمين يقول فيها :

ياراكب اللي كنهن ملحي السّيال=الى روّحن مثل النعام المخاريعي

حملها النصيب وجابها والله الحمّال=سدس ست حيلن من مناها الزلاويعي

حراير شمالن يطربن لاحن الغرمال=ويازينها من عقب لقفا مراييعي

ثلاث اسنواتن زايدن برّهن بحمال=وكبّب حصايرها نبات المرابيعي

الى قبّضو لرسان هجّت لها جوّال=تجوّال صيدن ذايرن مع نباريعي

بغو طبختينن وازلبتهم من المقيال=وهن ضارباتن في البها بالمزاويعي

تصلفق الى منه كفخ طارف الدسمال=الى انّ الصرايم كسّرنّ المصاريعي

يازين طرق ايمانها لا زمت لمثال=الى دلفج الطارف نهار المقاطيعي

تشادي الفحول الهايجه لا ادرجت قفّال= تمارس باهلها يوم شافت الاسانيعي

طوال العواتق من مناها بطا السربال= وساع الزغون امنفّجات الكراسيعي

اجسام المذارع والمواطي تقول ريال= تشادي المها جرد المعانق مهاضيعي

مع سجّهنّ القايله ليلها عمّال=تشادي دوانيق البحور المدانيعي

لها في الريادي المستوي في العشي زلزال=تخافق مع بيض الحزوم القراديعي

كبار الترايب يوم تقفي تقول اجمال=تنافح تنيفاح العذارى المباريعي

اخفاف المواطي رصّخن والعمار ثقال=صحاح السماري ماهمزها مراقيعي

عليها العنيني والموارك بها ميّال=مع العاج الاسود حنّشوه الصنانيعي

وسود السفايف يوم صفّت لهنّ ظلال= تواما على عيرات الانضا البواتيعي

عليها عيالن من بني طيبين الفال= يدلّون في الظلما غبيّ المتابيعي....

رد: أقلط ياراعي العلوم

الله لايهينكم ..

ولكن أبي اللي أنا أبيه معلومات عن أبن خضر الشراري ..

ماقصرتوووا