استفسار عن بيت شع الالماني

السلام عليكم ورحمة الله وبركاته
احواني ابغى فزعتكم
اسئل عن بيوت الشعر الالمانيه وين القاها يقولون انها في حفر الباطن الي عنده اي علم لا يقصر او رقم تلفون
شاكر لكم فزعتكم مقدما

رد: استفسار عن بيت شع الالماني

بيوت الشعر في سوق النعيريه اشكال وانواع واللي تبيه موجود عندهوم الالماني

رد: استفسار عن بيت شع الالماني

بيوت الشعر انواع واطيبها الالماني التركي القماش تركي والمكاين المانيه ابوخطين حمر

رد: استفسار عن بيت شع الالماني

يا فهد يا ليت توضح

معنى ألماني تركي - المكاين احمر ابو خطين

ويا ليت نعرف وين يبياع في النعيرية

رد: استفسار عن بيت شع الالماني

الاخ منصور والاخ سالم
تنباع بسوق النعيرية مقابل سوق الخضار تقريباً انا يوم الخميس الموافق 22-11 جاي منها اسعار الالماني ابو خطين حمر كالتالي:
مقاس 13*6= 5200 ريال مقاس 11*6= 4500 ريال مقاس 9*5= 3600 ريال طبعاً لازم تسعر وتكاسر هذي اخر اسعار قدرت اكاسر فيها
احب اقولكم نصايح قبل لا تشترون البيت
1- تأكد انه الماني يجي في البيت من فوق خطين حمر تبين من الداخل .
2- تأكد من عرض مواسير الحديد اللي داخل الرواق وان ارتفاع الرواق 2 متر مو 170 م واهم شي ما تكون المواسير 2متر ملحمه
3-الفتحة في البيت ما افضلها تخرب شكله واذا لا بد خذ فتحة مو فتحتين .
4- تأكد ان الرواق يجي له 6 بيبان مو اربعه يعني كله جه له ارواق مستقل
اتمنى اني افدتكم

رد: استفسار عن بيت شع الالماني

أسئل عن { أم خالد } في سوق النعيرية ويدلونك عليها عند محلات بيوت الشعر ،،

أشتر من عندهاا وتراهاا عجوز طيبه وتسفط لك الزين أسئل مجرب ،،

رد: استفسار عن بيت شع الالماني

البيوت الشعر الالمانيه اللي تحجب المطر
ماعاد توجد
الحين تلقى ابو خطين حمر ويقولون انه الماني
وانا ما اعتقد انه الماني وهو احسن الموجود
وتراه اذا جى المطر يخرق عليك
هذا بالنسبه للحفر
واحد من الربع فصل في الحفر بيت ١٨x٦
بتسعه الاف وخمس ميه وترا حجبه مغطاه بخام سدو

رد: استفسار عن بيت شع الالماني

اخوي منصور الاخوان وفوا وكفوا خصوصا الاخ بندر الراوي ولكن اذا كان ترغب في تفصيل بيت شعر في حفر الباطن تحديدا راسلني على الخاص او كلمني على جوالي 0555124872 ابو راكان واكلم لك احد الاخوان في الحفر وما رايح يقصر ان شاء الله خدمه لك وشرواك

رد: استفسار عن بيت شع الالماني

بيض الله وجيهكم جميع على مروركم الكريم ويشهد الله اني استفد من نصايحكم