استفسار اول ماتلقح الناقه

[align=justify][/align]السلام عليكم ورحمة الله
حبيت استفسر ـ الناقه بعد مايبين لقاحها يعني لها كم يوم لاقح ـ وابغى انقلها من مكان الي مكان هل ياثر عليها الونش
وبالنسبه للأكل المناسب للناقه في بداية لقاحها
وجزاكم الله خير

رد: استفسار اول ماتلقح الناقه

وعليكم السلام ورحمة الله وبركاته

مرحبا يا بو حمد

تحسب لها من اول يوم لقحت فيه وبالنسبه للتحميل انا اشوف انه غير مناسب لانه يمكن يسبب مشكله

والعلم عند الله

وبالنسبه للعلف لايوجد شئ مخصص يكون علفها ثابت زي ما كانت

واتمنى بأني وفقت في الاجابه

شكرا

رد: استفسار اول ماتلقح الناقه

قصدك كم شهر طال عمرك ..

الناقة حاول أنك ماتشيلها وتحملها الا بعد مضي أكثر من 90 يوم على لقاحها

رد: استفسار اول ماتلقح الناقه

لا لاتحملهاا

الناقه لها كم يوم معشر وتحملها ؟! عليها خطر .

..

رد: استفسار اول ماتلقح الناقه

مرحبا يابو حمد اذا هناك اسباب تجبرك على تحميلها ويصعب عليك سوق البل الى مكانك حملها اذا تمت شهر وفوق كثير البل تكاسر وهي في مراحها لاعقلت ولا حملت واذا لك نصيب بتاخذه .

رد: استفسار اول ماتلقح الناقه

نعم التحميل قد يسبب ضياع لقاحها
تقبل تحياتي

رد: استفسار اول ماتلقح الناقه

الله يعطيكم العافيه ويجزاكم بالخير

رد: استفسار اول ماتلقح الناقه

السلام عليكم. حملها وتوكل على الله معليها شر مره

رد: استفسار اول ماتلقح الناقه

وعليكم السلام

يامرحبا اخوي يوسف

انصحك بعدم تحميل الناقه الا بعد مضي اربع شهور على لقحة

وشكراً

رد: استفسار اول ماتلقح الناقه

الله يجزاكم خير

رد: استفسار اول ماتلقح الناقه

السلام عليكم ورحمه الله وبركاته
توكل على الله وحمل..........لكن شف السودانى الجيد وخلك موجود عند التحميل والتنزيل .

رد: استفسار اول ماتلقح الناقه

والله طرحت الناقه وتحميلها يمكن يفيخ بها انصحك تخليها لما يثبت لقاحها 3 شهور انا حملت على شهر من اللقاح وسترها ربك واللي كاتبه الله بيصير لكن الواحد يعمل بالاسباب

رد: استفسار اول ماتلقح الناقه

فيه اشهر تسمى اشهر الخطر انشد عنها البيطري يفيدك اكثر وان ما خاب ضني هي الشهر الاول من الحمل والخامس والثامن واكثر ما تسعد الابل في هالشهور اتمنى اكون افدتك

رد: استفسار اول ماتلقح الناقه

اذا كنت مضطر لتحميلها حاول تحملها في ونش هيدروليك لأن الونش العادي يضغط بطن الناقه