ابي المشوره

يا اخوان عندي ناقه ابي الزمل يضربها متى انسب وقت

مع العلم ان الديره بارده هالايام وشكرا

رد: ابي المشوره

مرحبا اخوي احمد الوقت الحالي انسب وقت اذا لقيت الفحل اللي هايج الحين خله يضربها
وهل الوقت تمسك الناقه احسن من البرد لان في البرد تطول وتكسر غالبا
والله يكتب لك فيها خير ويرزقك رزق من عنده

رد: ابي المشوره

كلام اخوي عبالعزيز هو الأمثل

رد: ابي المشوره

يا الله حيه

اشكركم اخواني

على ردودكم
الاخ عبد العزيزساعد
والاخ طلال الروقي
والله يرزق الجميع

http://store1.up-00.com/Oct11/Pov46692.gif

رد: ابي المشوره

توكل على الله وكلام اخوي عبدالعزيز عين الصواب

وادع لنفسك وللمسلمين بالبركه والخير

رد: ابي المشوره

ماقصروا الأخـوان كفـو / ووفـوا

بيض الله وجهك ووجيههم

توكل على الله واطلب التوفيق
..

رد: ابي المشوره

حتى انتاجها بحول الله قبل المربعانيه اريح لك ولها

رد: ابي المشوره

ماقصرو الاخوان هذا احسن وقت والله يرزقك منها الانتاج الطيب

رد: ابي المشوره

بيض الله وجيهكم

عزا الله ماقصرتو

وانشاء الله اضربها
قبل دخول المربعانيه
والله يكتب الي فيه الخير