هل يطلق مسمى هرش على شاق

كل عام و أنتم بخير

كيف حالكم

لاحظت البعض يطلق ( هرش ) على الشاق إلي هو بعد السديس هل هذا صحيح

وإن ما خانِّي التعبير إن البعير يطلق عليه بعد السديس شاق ( بازل ) ثم شاق نابين ( مثني ) ثم شاق ثلاث ( مثلث ) ثم يطلق عليه هرش ( ثلب )

هل أنا على صواب والا غلطان

أفيدونا بارك الله فيكم

رد: هل يطلق مسمى هرش على شاق

يامرحبا ياعالي وينك لك فتره غايب ؟؟ عسى المانع خير إن شاءالله
بصراحه من أشد المعجبين بمواضيعك واستفساراتك !!!!

خذها مني أكيد إنك على صوااااااب لكن لامانع من معرفة أراء البقيه

رد: هل يطلق مسمى هرش على شاق

يامرحبا ياعالي وينك لك فتره غايب ؟؟ عسى المانع خير إن شاءالله
بصراحه من أشد المعجبين بمواضيعك واستفساراتك !!!!

خذها مني أكيد إنك على صوااااااب لكن لامانع من معرفة أراء البقيه

مرحبا بك يا خالد عد النصوب و نثر ماها

أبشرك المانع خير والحمدلله

و أسعدتني بردك الله يسعدك و يوفقك يالغالي

و بإنتظار البقية هل الخبرة

رد: هل يطلق مسمى هرش على شاق

مرحبا ياعالي راعي الحلال البدوي لا يعتبر اللي على فطر اول هرش وبداية اطلاق اسم هرش على فطر ثالث و فوق اما المسميات (بازل) واخواتها اول مره اسمعها يمكن اختلاف المناطق والمسميات لها دور .,والله اعلم

رد: هل يطلق مسمى هرش على شاق

يابو عدوة

قل

آمين

جعلك ووالديك ومن تعز بالجنة



بخصوص المسميات سامعها من الشايب جعل شيبانك بالجنة


و أنت أجبت عن اللي بغيته في الصميم ومن ألحين ماني بقايل شي إلا مسمىً تعرفونه لكي لا أخرج عن نطاق مسميات المنتدى المشهورة عن مسميات الأقاليم الأخرى

و سلامة عمرك يالغالي

و بارك الله فيك و مشكور

رد: هل يطلق مسمى هرش على شاق

السلام عليكم
البعير يشق في منتصف عمره تقريبا ... وهي سن اكتمال نمو الجسم وعنفوان الفحوله
لذلك /البعير اللي توه شاق ماهو هرش ابدا
تقبل تحياتي

رد: هل يطلق مسمى هرش على شاق

سديس

شاق

مثني

مثلث

لاجاله سنتين من يوم هو شاق يطلق عليه هـرش ..

..

وانا من وجهة نظري الخاصـه :

مااقول للبعير هـرش ألاّ لاشفت ثنايا بنتـه !

قبلها مااعتبره هـرش ..

رد: هل يطلق مسمى هرش على شاق

السلام عليكم
البعير يشق في منتصف عمره تقريبا ... وهي سن اكتمال نمو الجسم وعنفوان الفحوله
لذلك /البعير اللي توه شاق ماهو هرش ابدا
تقبل تحياتي

سديس

شاق

مثني

مثلث

لاجاله سنتين من يوم هو شاق يطلق عليه هـرش ..

..

وانا من وجهة نظري الخاصـه :

مااقول للبعير هـرش ألاّ لاشفت ثنايا بنتـه !

قبلها مااعتبره هـرش ..

كفيتوا ووفيتوا و مشكورين جزيل الشكر

والله يبارك بعماركم