رايكم في هالحوار

السلام عليكم

ابي رايكم في هالحوار بدون مجامله


عمره يومين







هذي امه







هذا ابوه الباهل ولد البارز ولد هياف

رد: رايكم في هالحوار

مرحبا يابو سعد وساس ابوه اطيب منه و بنتكلم عن الصورة الموجودة الان الحوار شكله اقل من العادي وخله لين يجي مفرود وبيبين الزين والشين والولد والقعود مخلفين العهود .

رد: رايكم في هالحوار

مشكور يامحمد على ابداء رايك وبنتبع شورك ان شاءالله

رد: رايكم في هالحوار

الأخ / عبدالله

الحـوار : اقل من عــادي يابو سعـد ونسأل الله ان يرزقك با أطيب منـه ...

ولا ظني أن ذا بيطلـع ..

..

تقديري

رد: رايكم في هالحوار

هلا يا عبدالله
ماشاء الله تبارك الله
اصبر على الحوار ما يبين خله ينفرد وان شاء الله بيطلع طلوعاً زين لانه من الصورة عادي واذا الفحل اللي بالصورة لك انت اعرف منا بطلوعه وانتاجه

رد: رايكم في هالحوار

كلام الاخ مشعل وابوعدوة هو الصحيح
وبكل الحالات هو باقي مع امه حول كامل ويبين زينه من شينه

رد: رايكم في هالحوار

ماقصرو الاخوان

كسب ام الحوار بعد شهرين او شهر افظل الحلول

والله يرزقك الانتاج الطيب

وتقبل تحياتي

رد: رايكم في هالحوار

بيض الله وجيهكم على ردودكم ووجهات نظركم
وبالنسبه للحوار مانيب عجل عليه ان زان بزين على زين وان مازان بالثلاجه تحتريه بعد الضحايا
وكل عام وانتم بخير

رد: رايكم في هالحوار

ياخوان :

الحوار ماينحكم عليه

في حلال يوم انها حواره ماتشوف فيها من الزين شي ..

ولاجات لقيه ولا حقه ..بان زينها

وفي حلال من يوم هي حواره وهي فرديه

((اصبر على الحواره ولا تستعجل))

اخــــوووووووووك

رد: رايكم في هالحوار

ياخوان :

الحوار ماينحكم عليه

في حلال يوم انها حواره ماتشوف فيها من الزين شي ..

ولاجات لقيه ولا حقه ..بان زينها

وفي حلال من يوم هي حواره وهي فرديه

((اصبر على الحواره ولا تستعجل))

اخــــوووووووووك

مع كلام ابو حمد وعين الصواب

واذا تبي حكم على شكله فهو اقل من متوسط ولا اقول عادي

خدته طيبه ولو انت مصوره وهو واقف بيبين اكثر وفي اعتقادي ان الحوار بيطلع وواضح

بس امه مهي ام فحل بختصار مايتفحل

مع العلم ان كثير من اهل البل يهتم بساس الام اكثر من زينها

وعسى الله يباركلك

رد: رايكم في هالحوار

لاتستعجل على الحوار ابوه طيب واكثر انتاج البارز وهياف ماتزين الا اذا جات مفاريد وحقايق

لاتستعجل الله يرزقك من فضله

رد: رايكم في هالحوار

والله يا خوي مافيه من الزين مثقال ذره

والله يرزقك بأطيب منه

هذا اللي اشوووفه وعلى قد نظري ( ومثله كثير )