فزعتــكم يالربع عندي سوال

سلاام عليكم

ياالربع عندي ناقه محسوب لها بالتاريخ متا ولادها على الحساب انها بتالد بنص واحد او اول ثنين


اليوم ولدت وميت ولدها وماهو بوقتها

وش الحل يالربع

ودي اضربها ومتا اضربها على ان اليوم ولدت كم يوم واضربها

الله يعوضني بخير ونقول خيره بااذن الله

رد: فزعتــكم يالربع عندي سوال

الله يخلف عليك بالبركه

اصبر شهر يالعطاوي واقنعها البعير

رد: فزعتــكم يالربع عندي سوال

وعليكم السلام ورحمة الله وبركاته

مرحبا بك والناقه تعتبر مصعد والمصعد تلمث البعير واذا الحوار مكتمل ومولود على وقته وهو ميت فلا تعتبر

مصعد وانت قلت باقي على ولاده شهر او شهرين فالحذر واجب على بعيرك ولا على ركاب المسلمين

ولاهنت والله يعوضك بطيب منه ولا يجيك الا ما كتب لك

شكرا

رد: فزعتــكم يالربع عندي سوال

كيف حالك يا عبدالمجيد

اضرابها بعد اربعين يوم حفظا على سلامة الزمول

واسال الله ان يرزقك خيرا والمسلمين اجمعين

رد: فزعتــكم يالربع عندي سوال

الله يعوضك بخير منها في الدنيا والآخره ..
الحمد لله على قضاءه .

لاتضربها طال عمرك الا من الشهر وعقب
لأنها بوضعها الحالي تضر البعير بالحيل

وعسى الله يسمح أمرك

رد: فزعتــكم يالربع عندي سوال

ماقصروا الاخوان

كفّـو ووفـوّا ..

والله يعوضك ويرزقك من واسع فضله

رد: فزعتــكم يالربع عندي سوال

اسأل الله العلي القدير ان يعوضك خير وان يبارك لك في حلالك وبالنسبه لسؤالك ماقصروا الاخوان

رد: فزعتــكم يالربع عندي سوال

الله يعوضك بخير منه

اخوي عطى ناقتك لمدة خمس ايام

حلبة مع رشاد على شكل لقم مع شعير او مكعب

بمقدار فنجال قهوة

لكن اخلطة وخله ينقع في الماء

وبعد 40 يوم اضرب وان شاء الله تلقح ناقتك

من غير ما تضر بعيرك او بعير مسلم

مع التحية

رد: فزعتــكم يالربع عندي سوال

بيض الله وجيهكم على الردود وارحم الله والدينكم واسكنهم الجنه يارب العالمين
والايام ملحوقه واربعين يوم ماهي بطويله