البرسيم غالي ويش نعطي الحشوان؟؟؟

السلام عليكم يالربع
البرسيم واصل عندنا سته وعشرين ريال والله المستعان وعندي مع البل حشوان عددها حول 17 أبي أسمنها وأبيعها((نترزق الله))) وأنا أطعم الحشوان الحين 3 ربطات برسيم ونص كيس شعير باليوم كاملا.........
سؤالي..أنا أبي أعطيها ربطة واحدة برسيم والباقي ويش تشيروني تبن أو رودس أو ذره؟؟؟ وإيش احسن للحشوان ؟؟وهل صدق إن الذره تسلب الحشوان؟؟
وهل ينفع أقلل كمية الشعير وأضيف نخاله مع الشعير؟؟
الهدف التسمين واختصار التكلفه؟؟...ولاأنا بمعطيها مكعبات التسمين ((الوافي والغديرو....)) لأني ماأرضاه لنفسي ولا بأرضاه للناس..والرزق على الله.
تكفوون رأيكم ياأهل الخبره..

رد: البرسيم غالي ويش نعطي الحشوان؟؟؟

التجااار يتلعبون على كيفهم ماعندهم احد

الواحد يبي يربي الحلال اول شي يصير عنده مزرعه يريح راااسه

رد: البرسيم غالي ويش نعطي الحشوان؟؟؟

يامشبب للأسف البرسيم مامثلـه ولا اطيب منه للحشوان ..
ولكن حط ربطتين برسيم والثالثه ذره ..
وأما الشعير نص كيف لـ 17 اعتبر انه غير كافي نهائياً !!
......
والله يعين ..

رد: البرسيم غالي ويش نعطي الحشوان؟؟؟

[QUOTE=مشبب بن شباب;555415]

السلام عليكم يالربع

البرسيم واصل عندنا سته وعشرين ريال والله المستعان وعندي مع البل حشوان عددها حول 17 أبي أسمنها وأبيعها((نترزق الله))) وأنا أطعم الحشوان الحين 3 ربطات برسيم ونص كيس شعير باليوم كاملا.........
سؤالي..أنا أبي أعطيها ربطة واحدة برسيم والباقي ويش تشيروني تبن أو رودس أو ذره؟؟؟ وإيش احسن للحشوان ؟؟وهل صدق إن الذره تسلب الحشوان؟؟
وهل ينفع أقلل كمية الشعير وأضيف نخاله مع الشعير؟؟
الهدف التسمين واختصار التكلفه؟؟...ولاأنا بمعطيها مكعبات التسمين ((الوافي والغديرو....)) لأني ماأرضاه لنفسي ولا بأرضاه للناس..والرزق على الله.

تكفوون رأيكم ياأهل الخبره..



وعليكم السلام ورحمة الله وبركاته
هلا بك يا مشبب ومرحبا
كانك تبي الشور من واحد جرب تسمين الحشوان بأقل كلفه وأسرع وقت
حط عندها رودس لا يفارقها والباله الوحده تكفيهن من اسبوع إلى عشرة ايام وحط لهن مكعب الوافي ثلث والشعير ثلثين وخله ينقع عندهن واول الايام مايبقن شي ثم تبي تشوفه بعد ايام يبقى في المعالف وبعدين جعل من جابك ومن يسمع في الجنة المكعبات ماتثر في طعم لحمهن إذا صار بنسب بسيطة ولا هو بغش لأني بعت على ربع لي شرواكم واهل صنف ولا استنكروا شي وحنا مثلهم واللي يثر في لحمهن الخبز والتمر إذا عالفنه وقامن عليه

تحياتي للجميع

رد: البرسيم غالي ويش نعطي الحشوان؟؟؟

الله يجعل والديك في الجنه ياخالد والله يوفقك ويبارك فيك وأنا خوك

ننتظر المشوره من بقية الإخوان الموضوع يهم الجميع

رد: البرسيم غالي ويش نعطي الحشوان؟؟؟

وعليكم السلام

يامرحبا يامشبب

مافيها مثل البرسيم للحشوان طيب الباقي خله ذره

طيب عطها بدال الشعير مكعب الوافي تراه طيب

وتقبل تحياتي

رد: البرسيم غالي ويش نعطي الحشوان؟؟؟

زود على البرسيم نقع الشعير في ماء من صبح ولا جاء العصر عطهاء وتشوف ماء يسرك

رد: البرسيم غالي ويش نعطي الحشوان؟؟؟

وعليكم السلام

يامرحبا يامشبب

مافيها مثل البرسيم للحشوان طيب الباقي خله ذره

طيب عطها بدال الشعير مكعب الوافي تراه طيب

وتقبل تحياتي

الله يعطيك العافية عالمرور يافيصل ويعيننا وإياك

رد: البرسيم غالي ويش نعطي الحشوان؟؟؟

زود على البرسيم نقع الشعير في ماء من صبح ولا جاء العصر عطهاء وتشوف ماء يسرك

جعل أيامك تسرك ياخوي يارجا

رد: البرسيم غالي ويش نعطي الحشوان؟؟؟

وعليكم السلام

اخوي عليك بالوافي والذره

الوافي شحم والذره تزين الاوبره

وعسا الله يرحمنا برحمته ويرزقنا بالامطار والربيع الطيب

رد: البرسيم غالي ويش نعطي الحشوان؟؟؟

اللي يقول المزرعة!
حتى راعي المزرعة متورط يالربع
الله يعين

رد: البرسيم غالي ويش نعطي الحشوان؟؟؟

المكعب كيس الا ربع
اخلط تبن مع ذره

مع العلم ان التبن بعشرين والذره ٢٢ ريال
يعني بنربط الحزام وبينقطع من هموم هالاعلاف الله يكون في عون اهل الحلال

رد: البرسيم غالي ويش نعطي الحشوان؟؟؟

لا والبرسيم بيرتفع فوق 26 لا شد البرد وبياصل 30 وبتطير معاه الاعلاف الاخرى اللهم ارزقنا الغيث يا كريم

رد: البرسيم غالي ويش نعطي الحشوان؟؟؟

الإخون العزازمبارك , محمد, وبندر تسلمون عالمرور
وأنا والله مع هالغلاء بديت أغير قناعتي وبأعطيها المكعب والله المستعان