ياهل النظر رأيكم بالمجهم؟؟؟؟؟؟؟؟؟؟؟؟؟

السلام عليكم ورحمة الله يالربع
هذا قعود شريته مع امه وهي خلفه ولا أدري عن ذوده ولامنهو أبوه وأمه طيبه وعمره الحين حول عشرة أشهر وأبي رأيكم فيه بدون مجامله تكفوووووووووووون هل هو مزيون ؟؟وهل أفحله؟؟

....



.....




....

رد: ياهل النظر رأيكم بالمجهم؟؟؟؟؟؟؟؟؟؟؟؟؟

والله يامشبـب ماكل قعود فحل ..
واللي يبي الفحل الكفو يتعب عليـه ...
ويعرف اصله من أمه ومن أبيه ومن الذود اللي هو منه .
..
أما هالقعود ففي شكله العام عـادي .
لونه زين ووبرته رقاقه وهجر بالحيل .
اعجبني خدته ولمعة شعرته .
واعتقد انه أمه أو ابيه من ابل المره .
..
ولو انه بكره قلــت مقنوي وحلوه ولكن قعود وتبيه فحل صعبه شوي .
ان بعته اطلب الله يرزقك بااطيب وابرك وأن صبرت عليه وشفت هو يتطور أو ينقص ؟
فمـا أنت بخسران شي كل ماله يزود أما بزين وتقناه أو شحم ويرتفع سعره .
وللمعلوميه دليل أن اصل القعود زين ( يتطور لو تجيه بعد شهر ماتعرفه من اعلى لـ اعلا مستواه )
..

تقديري

رد: ياهل النظر رأيكم بالمجهم؟؟؟؟؟؟؟؟؟؟؟؟؟

نصيحة,,,,خذلك فحل وريح راسك القعود يبيله اربع او خمس سنين لين يضرب

اما قعودك عادي ولافيه شئ زين,, عسى الله يرزقك باللي ابرك وازين منه

رد: ياهل النظر رأيكم بالمجهم؟؟؟؟؟؟؟؟؟؟؟؟؟

والله انا كان عندي قعود مثله وشتريته وسنه مفرود بقيمة7000 وتعبت عليه وصار سنه جذع
وبعته بقيمة 6000 وزينه يوم انه مفرود ازين يوم انه جذع

رد: ياهل النظر رأيكم بالمجهم؟؟؟؟؟؟؟؟؟؟؟؟؟

مرحبا يابو شباب كان امه ام الفحل فايستاهل من يصبر عليه وتقدر تعرف ابوه لو تبحث وراء الوسم اللي على امه كانها من مرح معروف من السهل تعرفه .

رد: ياهل النظر رأيكم بالمجهم؟؟؟؟؟؟؟؟؟؟؟؟؟

والله يامشبـب ماكل قعود فحل ..
واللي يبي الفحل الكفو يتعب عليـه ...
ويعرف اصله من أمه ومن أبيه ومن الذود اللي هو منه .
..
أما هالقعود ففي شكله العام عـادي .
لونه زين ووبرته رقاقه وهجر بالحيل .
اعجبني خدته ولمعة شعرته .
واعتقد انه أمه أو ابيه من ابل المره .
..
ولو انه بكره قلــت مقنوي وحلوه ولكن قعود وتبيه فحل صعبه شوي .
ان بعته اطلب الله يرزقك بااطيب وابرك وأن صبرت عليه وشفت هو يتطور أو ينقص ؟
فمـا أنت بخسران شي كل ماله يزود أما بزين وتقناه أو شحم ويرتفع سعره .
وللمعلوميه دليل أن اصل القعود زين ( يتطور لو تجيه بعد شهر ماتعرفه من اعلى لـ اعلا مستواه )

..

تقديري

تسلم ياخوي مشعل كلام طيب والله يبارك فيك

رد: ياهل النظر رأيكم بالمجهم؟؟؟؟؟؟؟؟؟؟؟؟؟

نصيحة,,,,خذلك فحل وريح راسك القعود يبيله اربع او خمس سنين لين يضرب

اما قعودك عادي ولافيه شئ زين,, عسى الله يرزقك باللي ابرك وازين منه

تسلم ياخوي احمد وبارك الله فيك والله يرزقنا واياك بأطيب منه
وابشرك عندي الحين فحل كفو لكن قلت أربي فحل للمستقبل إذا الله عطانا طولة العمر

رد: ياهل النظر رأيكم بالمجهم؟؟؟؟؟؟؟؟؟؟؟؟؟

والله انا كان عندي قعود مثله وشتريته وسنه مفرود بقيمة7000 وتعبت عليه وصار سنه جذع
وبعته بقيمة 6000 وزينه يوم انه مفرود ازين يوم انه جذع

الله يعطيك العافيه عالرد والله يرزقنا وإياك

رد: ياهل النظر رأيكم بالمجهم؟؟؟؟؟؟؟؟؟؟؟؟؟

مرحبا يابو شباب كان امه ام الفحل فايستاهل من يصبر عليه وتقدر تعرف ابوه لو تبحث وراء الوسم اللي على امه كانها من مرح معروف من السهل تعرفه .

تسلم ياخوي محمد عالشور الطيب والله يبارك فيك

رد: ياهل النظر رأيكم بالمجهم؟؟؟؟؟؟؟؟؟؟؟؟؟

الله يبارك لك فيه

رد: ياهل النظر رأيكم بالمجهم؟؟؟؟؟؟؟؟؟؟؟؟؟

بارك الله فيك يابومحمد وتسلم على مرورك
وفي إنتظار مرور بقية المطاليق

رد: ياهل النظر رأيكم بالمجهم؟؟؟؟؟؟؟؟؟؟؟؟؟

ماشاءالله تبااارك الله

القعود له مستقبل كبير

الله يوفقك با النتاج الطيب

رد: ياهل النظر رأيكم بالمجهم؟؟؟؟؟؟؟؟؟؟؟؟؟

لا تضيع وقتك بطوووووول الانتظار.................
قعودك عادي ولافيه شئ زين,, عسى الله يرزقك باللي ابرك وازين منه

رد: ياهل النظر رأيكم بالمجهم؟؟؟؟؟؟؟؟؟؟؟؟؟

الاخوين العزيزين عمر ومعجب شكرا على المرور والله يبارك فيكم

رد: ياهل النظر رأيكم بالمجهم؟؟؟؟؟؟؟؟؟؟؟؟؟

ممكن الإخوان الغلاه يبينون العذاريب والميزات أن وجد