%%%%%وش رايكم في الزبون %%%%%%

السلام عليكم ورحمة الله وبركاته

اخوااني الافاضل

انا عندي خلفه عارضها للبيع و جاني احد الاخوان على شان يشوفها وبعد ماشافها وشاف بنتها

بعته وقال هذا عربون والناقه وبنتها على حظي وبكره اجي بالباقي وآخذ ناقتي

الرجال قعد ثلاث ايام ماجاء و جاء اليوم الرابع وشاف الحواره مريضه قال انا هونت عطني العربون

وصار بيني وبينه كلام ومشا

وش رايكم يا اهل العرف

رد: %%%%%وش رايكم في الزبون %%%%%%

حسب ما ذكرت انت الناقه تلزمه من قولت شريت فكيف وهو حاط عربونه

ولكن حنا سمعنا منك وما سمعنا من خصمك فلذلك الله يصلح بين المتخاصمين

الرسول صلى الله عليه وسلم يقول (البيعان بالخيار مالم يتفرقا فاذا تفرقا فقد وجب البيع )

رد: %%%%%وش رايكم في الزبون %%%%%%

أخوي أحمد كلن وطيبه بها الحاله ،،

ولكن المتعارف عليه أن العربون ما يرجع لانه شرى والناقة بين عيونه وإذا ماتت الناقة فهي على حظه ،،

والله يرزقك ببيعة أطيب من البيعه الي بعتهاا له ،،

رد: %%%%%وش رايكم في الزبون %%%%%%

مرحبابك

والامور سهله

والبيع تم مادام عطاك عربون وتفرقتوا تمت البيعه

ولكن اذا انت مهمل الحواره ومرضت من حليب او غيره فرد عربونه واذا شئ من الله لا ترده

ويمكن خيره لك رد له عربونه وبكره انشالله يجيك زبون وياخذها بدبل

والله يوفقك وترى البيع السمح طيب

لاتبيع لحد وهو كاره

رد: %%%%%وش رايكم في الزبون %%%%%%

الحق لك ويروح عربونة عليه ولكن تذكر من ترك شي لله عوضة الله خيراً منه

رد: %%%%%وش رايكم في الزبون %%%%%%

حسب ما ذكرت انت الناقه تلزمه من قولت شريت فكيف وهو حاط عربونه

ولكن حنا سمعنا منك وما سمعنا من خصمك فلذلك الله يصلح بين المتخاصمين

الرسول صلى الله عليه وسلم يقول (البيعان بالخيار مالم يتفرقا فاذا تفرقا فقد وجب البيع )

هلا وغلا يابو فالح

العربون مبلغ بسيط جداً وانا والله لو قال انا شريت ومامعي عربون ماعندي مشكله اعتبر كلام الرجال اقوى عربون ولا اغير نيتي

صدقت اتمنى انه يرد ويقنعني

ولكن الله يكتب اللي فيه الخيره لنا وله ولكل مسلم

رد: %%%%%وش رايكم في الزبون %%%%%%

أخوي أحمد كلن وطيبه بها الحاله ،،

ولكن المتعارف عليه أن العربون ما يرجع لانه شرى والناقة بين عيونه وإذا ماتت الناقة فهي على حظه ،،

والله يرزقك ببيعة أطيب من البيعه الي بعتهاا له ،،

هلا ومرحبا يابدر

صدقت هذا الصحيح كلن وطيبه وظميره

الله يجزاك خير والرزق على الله

رد: %%%%%وش رايكم في الزبون %%%%%%

مرحبابك

والامور سهله

والبيع تم مادام عكاك عربون وتفرقتوا تمت البيعه

ولكن اذا انت مهمل الحواره ومرضت من حليب او غيره فرد عربونه واذا شئ من الله لا ترده

ويمكن خيره لك رد له عربونه وبكره انشالله يجيك زبون وياخذها بدبل

والله يوفقك وترى البيع السمح طيب لاتبيع لحد وهو كاره

اررررحب يابن عمير


والله ما اهملتها يابو عمير والله اعلم بي وانا والله ماني بدايم عندها لكن اوصي الراعي عليها وعلى غيرها



الله يكتب اللي فيه خيره

رد: %%%%%وش رايكم في الزبون %%%%%%

الحق لك ويروح عربونة عليه ولكن تذكر من ترك شي لله عوضة الله خيراً منه

هلا يابندر

عربونه والله انا اخوك ماهمني ولا هو زايدني ولا ناقصني

والله لو جاني بالكلام الطيب وهو دافع المبلغ كامل والناقه في مراحي هو ولا غيره لقول هاذي دراهمك ولا في خاطري شي

رد: %%%%%وش رايكم في الزبون %%%%%%

تبي شوري اذا كان الرجال هون واستخار فلعل فالامر خيره لك وبما ان المبلغ زهيد رده عليه
واهتم فالبكره وفتشها من الخمله وعطها فيتامين وبيرزقك الله منها ومن امها

رد: %%%%%وش رايكم في الزبون %%%%%%

وعليكم السلام

ارحب اخوي سعيد

الحق لك وإنشاء الله في الامر خيره

والله يرزقك بالبيعه الي تسر خاطرك

تقبل تحياتي

رد: %%%%%وش رايكم في الزبون %%%%%%

والله انا اخوك البيع بين المسلمين وعيال الاجواد لا يخلوا من مروءه وشيمة العرب .. وحب الخير للناس كما تحبه لنفسك

وانت ان شاء الله تعالى رجال فيك خير ومروتك اكبر من اخذ عربون او حد اخوك على شي يكرهه ..

مع الاسف الشريطيه خربوا اساليب البيع بين المسلمين .. وصار راعي السلعه لاباع شي كنه مفتك من مصيبه ولصقها في ظهر المشتري وسعى بكل طاقته انها تلزق وما ترجع له ولا يتوانا عن استخدام كل الاساليب حلالها وحرامها طيبها وخيبها

الله لا يحدنا ولا يحدك على هالأساليب القشرى وبين من هرجك انك من اهل الخير رد عربونه انا اخوك وسهل على اخوانك المسلمين يسهل الله عليك ويبارك لك

رد: %%%%%وش رايكم في الزبون %%%%%%

السلام عليكم
أنا طول الله اعماركم صار معي نفس المشكله ولكن بكره لحالها
جاني الرجال شاف وحاف وقال انا شريت قلت الله يرزقك ودفع لي مبلغ
وقدره 20000 وقيمه البكره 35000 بعتها عليه بعد ثلاث أيام جاء وقال انا هونت عن البكره ولا أبشيلها ب 20000
قلتله لا بالله ماحززرت خذ عربونك ومع السلامه واللحمد لله بكرتي عندي ودراهمه معه والبيع والشراء السمح مطلوب
وانت خلك اطيب منه طاال عمرك او تجمل فيه احسن اذا صار عربونه بخيس على ماقلت
وشكرآآآآ

رد: %%%%%وش رايكم في الزبون %%%%%%

الاخوااان

سعود نواف + فيصل الخييلي + ممدوح الشريف + اشرف التميمي

ارررحبو يالنشاااما

كلامكم ورائيكم على راسي انتم وجميع الاخوان اللي ردو على الموضوع واللي مثلكم وشرواكم

لاحد ينقد علي والله ماهو من طبعي والاخواان الي تعاملو معي يعرفوني زين ولكن بعض الحيل والاساليب تغثني

الاخ رديت امس له عربونه وان شاء الله انها خيره له ولي

والحواره اليوم العصرر تلعب ابشركم مافيها الا العافيه


الله يعطي كلن على نيته