ســـــؤالــ : وشلـون السوق بأم رقيبــه هالايـام ..

رد: ســـــؤالــ : وشلـون السوق بأم رقيبــه هالايـام ..

انا يامشـعل ادور ضرايب جااء في الحرااج بكره طيبه

قيمته من 20 اذا زادة 25 قمت ازود فيها لين وصلة 25

لني اشوف لي ناس تسوم ولا ادري وينهم فيه وصغاار سن

لين وصلة البكره ر50 هذا مهوب سرق وضحك على المشتري !!!!

الحراجاات الرسميه اللي لقيتها 4 وكلها مااشيه وفيهاا بيع

ويذكرن انه جاء بيعات قويه من ضمنها قحطاني اخذ 2 بكرتين من وسط الحراج با 550

و فيه واحد من العيااال جلب يم ام رقيبه باع با 130 بكره حقه وضحاء

وسوووووووق الوضحاااء قاايم هناك هي و الصفر ولا باقـي الالوان قليل الطلب عليها

ام البكره اللي فوق الميه لا تدخلها الحرااج

دخله العـرض يبي يجيك فيهااا اقيام زينه

والله يرزقــــــــك من واســـــــــــــــــــــــع فضــله يابوذعاااااااااااااار

وانت صـادق ياسلطـان الضرايب مدوّره وغاليه هاليوميـن ..

اما مسألة اتفاق الشريطيه فالمزاوده ( معروفه ) ولا الله بموفقً اللي يسوي هالسوايا .

والله ان اعرف لي شريطي كان كفو ونصيح أول مادخل مجال البل وبعدها والعياذ بالله صار لادخل مطيته الحراج

جاب معه اربعه او خمسه وكلً يزود من عنده ولاعلّقوها على الزبون انسحبوا ..

والآن عرفوه الناس ولاعاد لسلعة قيمه ولو انها زينه ..

والله لايبلانا

...

لاهنت ياسلطان

عز الله ماقصرت بالمشاركه والرد

لاعدمتك

رد: ســـــؤالــ : وشلـون السوق بأم رقيبــه هالايـام ..

والله السوق حامي وان طعتني ود حلالك والرزق على الله

لاهنت ياناهـس على المشوره

واسأل الله لك التوفيق ,

تقديري

رد: ســـــؤالــ : وشلـون السوق بأم رقيبــه هالايـام ..

أرحب يا ابوذعارررر ،،

ودهن وبإذن الله فالذا بعتهن ولا دخلن في الفردي ههههههههههه ،،

أنتبه ثم أنتبه ثم أنتبه تدخلهن الحراج والله لا تشوف بكارك في الحضيض ،،

خلهن في ساحات العرض وكل يوم أعرض مع ها الناس الي تسوق أبلهاا وتعرض بها للماره وبيجيك واحد دراهمه مسببه له قلق نفسي في بنك سامبا ويلزق على جامة موترك شيك مصدق بمليون ولا تنساناا من السعي لاني نصحتك ،،

سعـي على نصيحـــــه .......؟!

خف الله يابـدر وش هالطمـع ؟!

هههههههههههههههههههههه << رفيق اخو دعجه !!

...................


البقاء بك يابو مزيد

ونصيحتك محل اهتمامي

لاعدمتك ...

رد: ســـــؤالــ : وشلـون السوق بأم رقيبــه هالايـام ..

لاوالله يابوذعار

ماجيت السوق لكن حسب ماسمعت من ريجيل يجيبون العلم

ان السوووق مولع وفيه بيع قوي

وانا عندي 3 صفر طيبات مقاني وفيهن حايل طييييبه ناقة مزاين جمل

ومعهن قعود حق خيار جده الهدب لونه اصفر

وباقرب فرصه ان شاء الله بوديها للمزاين

..

الله يكتب اللي فيه الخير

ولاهنت يابوعايض

بيض الله وجهك

وعسى الله يختار مافيه الخير للجميع

رد: ســـــؤالــ : وشلـون السوق بأم رقيبــه هالايـام ..

السلام عليكم ورحمة الله وبركاته
أنا مع عمي ابو غضبان
شرينا بس من واحد عارض بسوق ام رقيبه عصيمي أسمه ابو شافي
فوق ثمان مية الف
وغير وغير ووقفت على ناقه حراج وصلة 190الف ماتسوى 40الف
وسوق حي حي حي واذا حلال مزاين لاتأخر والسبوع القادم بكون بسوق أن شاءالله

عليكم السلام ورحمة الله وبركاتـه ...

والله والنعـم بـك وبعمـك وببو شافي

وان شاء تيسر الامور ونستغل الفرصه ونزورك فأم رقيبه ..

لاهنت

رد: ســـــؤالــ : وشلـون السوق بأم رقيبــه هالايـام ..

لا تردد السوق مولع والطلب على الوضح

لاهنت يابندر


والله يبيض وجهك على الحضور والمشاركه

رد: ســـــؤالــ : وشلـون السوق بأم رقيبــه هالايـام ..

مثل مقال اخونا بدر النفيعي

اعرض الابل لاتدخلها الحراج يابو ذعار

والله يربحك ولا يخسرك

مرحبـا ياسيــــــف ..

بدر مرً يقول شارك بالفردي

ومرً يقول هات سعي النصيحه ....!!

لكن ماعليه يابدر يصيييير خييييييييير

لاهنت ياسيف ...

انا قبل امس في ام رقيبه ...

السوق سوق وضح وصفر فقطط والحراجات اكثرها ابل اقل من عاديه .. كل الحراجات اللي وقفت عليها مافيها اللي سيم اكثر من 19 الف ريال

البل الطيبه كلها في العرض والوضح والصفر الطييييبه وااجد عسى الله يرزقك ويرزقك المسلمين ..

اما المجاهيم فلا لها سوق في ام رقيبه .. والمجاهيم الطيبه اللي شفتها في العرض تنعد عدد .. ( شكلي بحول وضح )

مرحبـا ياممـدوح ..

نعم صدقـت انا سمعت من اكثر الاخوان ان الوضح والصفر سجلت اعلا المبيعات هالسنه .

الله يجزاك خير ويجعل لك من دعوتك نصيب ياابو احمد

وانتم يااهل المجاهيم احتكرتوا سوق الظفره واغلب اسوق الشرقيه وش عاد تبوووون ؟؟ ( اقنعوا )

لاهنت ياممدوح

السوق للوضح والصفر مولعة

نشوف اهل الظفرة والكويت يسحبون من السوق

لاهنت على طرح الموضوع يا مشعل

لاهنت

وبيض الله وجهك

شاكر مرورك وحضورك

الله يبشركم بالجنه

اجل زانت لي انا ومشعل

مشعل معه وضح وانا معي صفر

والله يكتب اللي فيه الخير

اذني اطيح في غشيم ابيعه على مليون هههههههههههه

ههههههههههههههههههه اضحك الله سنك ياعبدالعزيز

اثرك طماع وحن ماندري !!

قل ابيعه بـ مليون الجميـع .. أما الوحده بمليوووون ؟؟!

الله يرزقك من واسع فضله

ولنا لقاء فأم رقيبه كان عزمنا على الروحه .

الللي عنده وضح يبيع لأنها ارتفاع اسعارها مثل ارتفاع اسعار اسهم بيشه وانعام

اما المجاهيم رااااااكده واهلها راكدين تذكرني بالسهم القيادي سهم سابك

شكلك متأثر يافهد وخسران بالاسهم

لكن الله يعوضك راااااحت الدراهم بلعوها الهوامير

الوضحى الكفو والمجهم الكفو سهمها ماينزل مهما طال الوقــــت .

.......

لاهنت على المرور

رد: ســـــؤالــ : وشلـون السوق بأم رقيبــه هالايـام ..

مرحبا اخونا مشعل الاخوان وفوا وكفوا سوق ام رقيبه قبل ايام قليله سوق (وضحى وصفرا ) ويدورون الزين الواضح والرق في اللونين واذا البكار طيبات حملهن لام رقيبه ولا تصير وسط المعمعه وابعد عن المخيمات والحراجات ولا تجيبهن للشارع العام في ام رقيبه الا وقت العرض الصباح والعصر واهتم بحلاقتهن وطريقه عرضهن ورحولهن والله يوفقك ويرزقك من واسع فضله هذا من باب التذكير فقط ولك تحياتي

رد: ســـــؤالــ : وشلـون السوق بأم رقيبــه هالايـام ..

ماقصروالاخوان

استخير والله يرزقك ويباركلك في حلالك

رد: ســـــؤالــ : وشلـون السوق بأم رقيبــه هالايـام ..

اخبار السوق تاصل بشكل يومي يامشعل
وبيعهم غالي وام عشره بعشرين
وانا انصح الجلاب بالبيع عندهم

رد: ســـــؤالــ : وشلـون السوق بأم رقيبــه هالايـام ..

عسى الله يرزقك من واسع فضله
تحياتي

رد: ســـــؤالــ : وشلـون السوق بأم رقيبــه هالايـام ..

الله يجزاكم خير ...

الحمد لله البكره اللي عليها العلـم بعتها امـس على رفيقً لي يبي يترزق الله ويوديها لـ ام رقيبه

وأسأل الله العظيم أن يربحه عدد وبرها ويرزقك منها بالرزق الكثير ..

..

رد: ســـــؤالــ : وشلـون السوق بأم رقيبــه هالايـام ..

والله اخذت لي جولة الاسبوع هذا . المغاتير والصفر قايم سوقها بالحيل

مع اني حصلت اسعار معقولة واسعار مبالغ فيها


لكن حصلت لي واحد عجييييييييييييييب امر عندة تسعة مجاهيم مقاني زينها وسط واقل شوي يقول مسيومات جملة على 50 الف

الغريب في الموضوع ان صاحبها محلق اذيالها ههههههه قلت انت راعي مغاتير قبل قال لا...بغيت اقولة عندك ابل قبل قلت بتخرب الامور ان قلتها .


الزبدة الزين متوفررررر في الوضح والصفر والاسعار في نظري معقوله و فوقها شوي . المجاهيم نادر تجد الزين وان وجدته تحصله اخذ تبل حقه

رد: ســـــؤالــ : وشلـون السوق بأم رقيبــه هالايـام ..

ياجماعة وشلون سوق الحمر والشقح
انا وديت 3 طيبات عسى الله يجيب نصيب
افيدوني لا هنتو

رد: ســـــؤالــ : وشلـون السوق بأم رقيبــه هالايـام ..

كلام سلطان الدلبحي هو صافي الكلام كله


والسوق حامي بالوضح والصفر ذلحين