مشكله ياجماعه ونبي لها حل تكفون .!

السلام عليكم ورحمة الله وبركاته

يااخوان عندي لقيه والركاب رفضت تضربها وش الحل كل ماقربتها من البعير يكرهها ؟!!

وللمعلوميه ترى ميسر واعطيتها بعد ابرة ايسره ولاكن لافائدة احد عنده حل للمشكله الله يرحم والديكم .

رد: مشكله ياجماعه ونبي لها حل تكفون .!

وعليكم السلام ورحمة الله
حيااك الله يابو صالح

وحده من الثنتين .. ( إذا أنت متأكد أن بكرتك لقيه )

اما أن البكرة مافيها جسره نهائياً
أو ان الفحول تشم ريحة ماهي طيبة في بكرتك

رد: مشكله ياجماعه ونبي لها حل تكفون .!

وعليكم السلام ورحمة الله
حيااك الله يابو صالح

وحده من الثنتين .. ( إذا أنت متأكد أن بكرتك لقيه )

اما أن البكرة مافيها جسره نهائياً
أو ان الفحول تشم ريحة ماهي طيبة في بكرتك

او ان الركاب الي معرض له البكره يكون هرش ( احيانأ الهرش يعاف بعض البل )

رد: مشكله ياجماعه ونبي لها حل تكفون .!

دور لك عشرا ميسـر من ابلك وخذ من عبيسها ومشّه على ظهر البكره وفقارهاا

رد: مشكله ياجماعه ونبي لها حل تكفون .!

مع إضافات الأخوان

و أزيد وحدة

لبسها جنايب و بإذن الله تبشرك بعشارها

رد: مشكله ياجماعه ونبي لها حل تكفون .!

مع الاخوان
وزيد وحدة عطر ذيل الناقه

رد: مشكله ياجماعه ونبي لها حل تكفون .!

دور البعير المقرع اللي ماضرب من اسبوع وحول واماته سارحه ودخلها على البعير ولاتسوقها و معها ناقه ميسر لان عينه على البل الجل المياسير .

رد: مشكله ياجماعه ونبي لها حل تكفون .!

لبسها جنايب وفك البعير عليها

رد: مشكله ياجماعه ونبي لها حل تكفون .!

اغلب الفحول يحقر اللبكار ويعافها

الله اعلم البلا مهوب في البكرة البلا من الفحول

دور لك قعود جذع ولا ثني وبيضربها باذن الله

رد: مشكله ياجماعه ونبي لها حل تكفون .!

طلال الروقي
عبدالرحمن بن هادي
مشعل الشويش
عالي العماري القرني
ناصر منصور الروقي
محمد ابو عدوة
محمد الوهبي التميمي
وافي مليح بن موطان
بيض الله وجيهكم جميعاً والله يوفقكم ويرزقكم .بسوي كل التوجيهات اللي قلتو لي عليها كلها جعل والديكم الجنه .,

رد: مشكله ياجماعه ونبي لها حل تكفون .!

رش فقارها وذيلها بوزر خلفات

رد: مشكله ياجماعه ونبي لها حل تكفون .!

ارحب يا بو صالح

كم بعير عرضتها عليه ؟؟؟؟

والعجوم دائما ما يضربها الا الركاب المقرعه او البعير اللي اماته قليل

شكرا

رد: مشكله ياجماعه ونبي لها حل تكفون .!

الله لايهينكم جميع على سرعة الرد وسويت كل اللي قلتو لي عليه ولافيه فايده وقد عرضت على بعيرين ونفس الطريقه بعير عندنا بنجران وبعير في جوده وهي الان بجوده والله يكتب اللي فيه الخير .
دعواتكم وهي ان شاء الله بتلقح مانبي غير الدعاء .

رد: مشكله ياجماعه ونبي لها حل تكفون .!

بكرة ماهي ميسر طال عمرك بكرتك فسقانه وتشوف أوصافها إنا ميسر دع الخلق للخالق