الفزعة يارجال

سبلام عليكم ورحمة الله وبركاته
يالربع مساكم الله بالخير
لاهنتو يارجال انا عندي حيران فردتها عن امهاتها مبكر شي فردته وهو ابو ست شهور وشي ابو اربع شهور طبعا غصب علي نياقي الخلفات جاها بلا ماتت لو لا ستر رب العالمين وهن ثمان خلفات وقمت وفردت عيالها عنها وصرت اعلفها برسيم ومكعب بس حيراني ماهنا جروم مدري بعيني انا ولا تاثير الحليب عليها
واذا فيه حل يعوضها اما علاج والاعلف لا احد يبخل علينا ولاهنتو ووش تنصحوني اعلف انا ذلحين اعلفها وافي وبرسيم

رد: الفزعة يارجال

مرحبا يابو سعود شي طبيعي تنتقض الحشوان عقب الفطام خاصة ابو سته شهور وتحت نقع البرسيم والمكعب والشعير المجروش ا و المهروس وبترقى انشاء الله شحم .

رد: الفزعة يارجال

ما ازيد على كلام ابو عدوه ...

ومن الطبيعي الحوار لافقد حليب أمه يعوّد .. ولكنه يظهر لا لقى المقومه الطيّبه والاهتمام .. هذا من 6 أشهر وفوق .

أما أبو 4 أشهر فما اعتقد أنه يصح أنك تفرده عن أمـه ألاّ أن كان بضيار.. وابو4 شهور ينكسر ويعفش ولايظهر لافقد الحليب ..

..

وسلامةً تطولكم

رد: الفزعة يارجال

يمكن حيرانك صيفيه
على العموم أرخى العلف لها من مكعب وبرسيم