مصعد

يالربع عندي مصعد ولابعير رضي يضربها وش الحل
الله يجزيكم خير دنيا و اخره

رد: مصعد

كم لها مصعد طال عمرك ..؟

رد: مصعد

أكثر من ثلاث شهور والفحول اثنين اوزانها

رد: مصعد

ان شاء الله ان حظك طيب الي الي ما ظربتها الفحول ......

حلل الناقه اول من المالطيه اكثرر البل ما يصعد الا منها ان كان فيها لا تهد الفحول عليها على طول تراها تعدي الفحل والفحل يعدي الباقيات ..

وان كان انها سليمه شف لك باخس يدس في الناقه وينظفها....... وان شاء الله تلقح الفحول ما عافتها عبث

رد: مصعد

الحمد لله في كل الاحوال والله يجزيك خير والله ما جاء على بالي المرض لكن ابي اسوي لها التحليل وردلك خبر وعل غيري يستفيد
ولا نستغني عن اهل المعرفه ولا نبخل بما نعرف
انا اسمع اهل الفحول دايم يقولون لا تكون مصعد بس ما قد عرفت ليش؟

رد: مصعد

سبحان الله بس تكلمنا البعير قام بالواجب والنتيجه سليمه انشاء الله

رد: مصعد

الله يمنحك منها ومن أماتها ويرزقك بالإنتاج الفاخر