ويش رأيكم فالعلف

السلام عليكم ورحمة الله وبركاته
سبق وأن سألت هذا السؤال ولكن طريقة السؤال ماكانت واضحه وحبيت أعيد السؤال لأني أريد إجابه شافيه
يالربع ويش رأيكم في علف كيسين شعير وكيس نخاله فقط في اليوم لعدد 14 جل و6 دق بدون إعطاء حشائش أبدا مع الرعي لمدة 7 ساعات للجل وربطة برسيم فقط للدق
علما بأن المرعى وسط أرجو تفاعلكم لأن السوق مولع عسى الله يغيثنا
وسلامتكم
ملاحظه الوافي قطعته من الإبل من فتره بسبب الناجمه

رد: ويش رأيكم فالعلف

يابو شباب انا ماجربت لكن احد جيراني ابله 35 وضحا والديره فيها شجر وعلفه شعير فقط لكن تشبع وتبات عليه الى الصباح وتسرح وهو في المعالف ولايطعم معه شي وابله بخير
واعتقد انه قالي 4 او 5 اكياس
تقبل تحياتي

رد: ويش رأيكم فالعلف

ارحب يامشبب
بدل كيس النخاله بثلاث بآلات تبن بوجه العدو
وبالت البرسيم حقت الدق اخلطها مع الثالث بآلات التبن
يعني المجموع اربع بآلات ثلاثه تبن وواحد برسيم
والفرق بسيط بالسعر وتعال شف الشحم
والنخاله خلها بالصيف مهوب هالوقت

رد: ويش رأيكم فالعلف

اذا انك ما تمد بها ولا حولكم شجر الرودس ووافي والله ان حلالنا ماشااء الله عليه سمين و بخير

رد: ويش رأيكم فالعلف

شعيـــــير + تــــبـــــن = شحم
وافـــــي + بـــرسيــم = شحم
النــــخـــــاله جيده في الصيف
دائما استخدم التبن مع الشعير والبرسيم مع الوافي
واذا انت تعلف شعير مع تبن اعطها مره واحده في الاسبوع برسيم
واذا انت تعلف وافي مع البرسيم اعطها مره واحده في الاسبوع تبن
والله يجعله بالصحه والعافيه
( صحتين وعافييه )

رد: ويش رأيكم فالعلف

يابو شباب انا ماجربت لكن احد جيراني ابله 35 وضحا والديره فيها شجر وعلفه شعير فقط لكن تشبع وتبات عليه الى الصباح وتسرح وهو في المعالف ولايطعم معه شي وابله بخير
واعتقد انه قالي 4 او 5 اكياس
تقبل تحياتي

حياالله خوي حاتم ومكثور الخير عالرد ونياقي مجاهيم وبأجرب معها وعسى الله يكتب اللي فيه الخير
تسلم وأناخوك عالمرور الطيب

رد: ويش رأيكم فالعلف

ارحب يامشبب
بدل كيس النخاله بثلاث بآلات تبن بوجه العدو
وبالت البرسيم حقت الدق اخلطها مع الثالث بآلات التبن
يعني المجموع اربع بآلات ثلاثه تبن وواحد برسيم
والفرق بسيط بالسعر وتعال شف الشحم
والنخاله خلها بالصيف مهوب هالوقت

مرحب يسلم يالقرم
بالنسبه للنخاله أعطيها البل في عز الظهر مخلوطه مع الشعير المنقوع اللي يكون فيه شوي بلل ولا عاد أضيف ماء لها والحمد لله ماسببت لي أي مشاكل والبل بتنجن عليها وأنا أخذها من الصوامع مباشرة وسعرها علي رخيص مقارنة بالأعلاف..... لاعدمناك يامحمد ولاعدمنا مشورتك النيرة

رد: ويش رأيكم فالعلف

اذا انك ما تمد بها ولا حولكم شجر الرودس ووافي والله ان حلالنا ماشااء الله عليه سمين و بخير

تسلم عالمرور ياخوي يابدر والوافي ماناسب البل عندي

رد: ويش رأيكم فالعلف

شعيـــــير + تــــبـــــن = شحم
وافـــــي + بـــرسيــم = شحم
النــــخـــــاله جيده في الصيف
دائما استخدم التبن مع الشعير والبرسيم مع الوافي
واذا انت تعلف شعير مع تبن اعطها مره واحده في الاسبوع برسيم
واذا انت تعلف وافي مع البرسيم اعطها مره واحده في الاسبوع تبن
والله يجعله بالصحه والعافيه
( صحتين وعافييه )

مرحبا بك ياخوي عبدالرحمن وكلامك في محله
تسلم عالرد يالغالي