عطونا نصيحتكم

مساء الخير ياالربع


اناعندي قعود مفرود وابوه طيب والقعود أطيب وابي رايكم وش أعلفه علشان القعود يزين ويزين عظمه وجرمه لأني ناوي أفحله إن شاء الله

رد: عطونا نصيحتكم

عطه مايكفيه من الشعير ( دون الشبعـه ) ..

وخل البرسيم ناقـع عنده ....

وابشر بالشحم ..

لكن أود أن أشير إلى ملاحظه مهمـه :

القعـود لا اكرمته بالحيل وشبكته ماينفـك يغطه الشحم ويعطي جنوبه ..

لا اوصيك ( الممشـــــــــــــى ) أهم شي للقعـود

خل القعود ينتل مع أمّاته ويسرح .. ولا ضوى رده ..


وسوالم

رد: عطونا نصيحتكم

كفى ووفى أخوي مشعل الله يعطيه العافيه واياك
تحياتي

رد: عطونا نصيحتكم

مثل ماقال اخوي مشعل وعندي اسلوب اخر
اشبكه لحاله واكرمه برسيم ومكعب صوامع او شعير والماء ناقع والملح الازرق ناقع
ومن بعد العصر فكه يتمشى للمغرب يوميا او يوم بعد يوم
وبتشوف اللي يسرك ان شاء الله
تقبل تحياتي

رد: عطونا نصيحتكم

عندي قعود حق في النهار فاكه مع البل وفي الليل اعزله في شبك لحاله اصلن هو تعود يروح لشبكه من حاله

اعلفه في الصبح برسيم وفي المساء مكعب

والحين حاله ماشاء الله عليه

حبيت اقولك تجربتي لعلها تفيدك والخيار لك