3 أسئلة عن البل .. الله يعافيكم

بسم الله الرحمن الرحيم

السلام عليكم ورحمة الله وبركاتة

كيف حالكم يالربع .. ان شاء الله الكل بخير

أخواني لدي 3 اسئلة كـ مبتدئ

الاول : وش سبب زبد الناقة .. ؟ ومتى يجيها ؟

الثاني : كيف أخلي الناقة تجلس ؟ هل يوجد حركة معينة ؟

الثالث : وش أحسن طريقة للناقة كي تجعلها مرتاحة .. المسح على الرقبة مثلاّ .. وشكراّ والله يجزاكم وإيانا الجنة

رد: 3 أسئلة عن البل .. الله يعافيكم

ارحــب يا فـهد والله يحييك في المنتدى

با النسبه لاسئلتك

وش سبب زبد الناقة .. ؟ ومتى يجيها ؟

النااقه لمن رديتهااا من ولايفهااا طااشت ثم تهدر وتزبد تبي البل

كيف أخلي الناقة تجلس ؟ هل يوجد حركة معينة ؟

النااقه طال عمرك مايقال لها تجلس يقال له ( تبرك ) الناقه مالهااا حركه تبركهاا ابد الا انها رحول اذا هي رحول ترخي خطامهاا وتقول اخ تبرك

اماا الناقه لاغير معسوفهاا ماتبرك الا انك عاقلها وشااد يدهااا ثم ترك

وش أحسن طريقة للناقة كي تجعلها مرتاحة .. المسح على الرقبة

النااقه مرتاحه في نفسهاا بس بعض البل يقال لها مسوح تحب النااس يقاردون لها المقاارد لها من نحرها ومن تحت اذانهااا واماكن غيرهااا


اتمنااا اني افدتك وفي انتظاار اضافاات باقي الاخواااان

ولا يقصروووون

رد: 3 أسئلة عن البل .. الله يعافيكم

تحيى وتدوم ياسلطان .. وأفدتني الله يجزاك خير , كثر الله خير يابعدي

رد: 3 أسئلة عن البل .. الله يعافيكم

أفادك الأخ سلطاااااااان يا فهد

رد: 3 أسئلة عن البل .. الله يعافيكم

مابعد كلام سلطـان كلام ...

واتمنى لـك التوفيق يافهـــــد ...

ومرحبا بك مدد بلا عدد بين أخوانـــــــــــك ..

رد: 3 أسئلة عن البل .. الله يعافيكم

اذا تبغا نياقك تعرفك وتحبك وتجيك اذا ناديتها بقولك طريقه سهله

اشتر بريال خبز
ثم رح لنياقك خلك قريب منها ونادها بأساميها واقطع من الخبز قطع صغيره وأكلها
وخلك على الطريقه هذي كم يوم وراح تشوف البل تجيك اول ما تشوفك حتى قبل تنادي

اما تجليس الناقه على قولتك ماله ضروره اذا ماكان رحول يركبه الراعي

واخوانك بالمنتدى ماراح يقصرون معك باللي تبغا

والله اننا نحب البل ونحب اللي يحبها حتى لو ماكان من اهلها

موفق يالغالي

رد: 3 أسئلة عن البل .. الله يعافيكم

أرحب تراحيب المطر
والإخوان ماقصروا وأنا خوك
ونصيحتي حاول تسير على أهل إبل حولك وتلاحظ كيف يتعاملون مع البل وإسألهم لأن رعايه البل أمور تطبيقيه ويصعب شرحها غالبا
وترى مافيه أحد طلع من بطن أمه وهو يعرف يرعى البل
وعليك بهذا المنتدى المبارك والله أنا عن نفسي فادني واجد واااااجد
الله يجزا بالخير القائمين عليه والأعضاء القروووم
تحياتي

رد: 3 أسئلة عن البل .. الله يعافيكم

طارق الروقي - عبدالرحمن الغبيوي - مشعل الشويش فهد العضياني - ابن شباب

يامرحبا ومسهلا .. البل يكفي شوفتها بجميع أحوالها مايحتاج

الله لايهينكم يالربع .. وافين وماتقصرون .. والله يجزاكم ويجزاء والديكم الفردوس

كثر الله خيركم وبيض الله وجيهكم

رد: 3 أسئلة عن البل .. الله يعافيكم

[ALIGN=CENTER][TABLE1="width:95%;"][CELL="filter:;"][ALIGN=center]
ما قصرو الأخوان ,,

والله يرزقك منهن ,,
[/ALIGN][/CELL][/TABLE1][/ALIGN]