الفحل يطول على الناقه

السلام عليكم ورحمة الله وبركاته

عندي فحل يطول في اضراب لناقه وياخذ قريب 20-30 دقيقه وبعض النوق تجضر وتسحب نفسها قبل ما يقوم الفحل ولا ادري هل يكفي والا اضربها مره ثانيه لانه يمكن ما انزل
ارجو الرد يا اهل الخبره

رد: الفحل يطول على الناقه

مرحبا يبو محمد

فيه اركاب تطول كذا عادي اهم شي يضف الناقه زين ولاتعود عليها الاضراب يكفي

الله يبارك لك في حلالك

رد: الفحل يطول على الناقه

شكرا اخي محمد على مرورك الكريم

رد: الفحل يطول على الناقه

امر طبيعي بعيري بعض الاوقات يضرب قريب الساعه
ويوم اظربله ناقه وقعد فيها 3 ثواني يوم شمل والناقه لقحت وولدت
البعارين ماهي سوا

رد: الفحل يطول على الناقه

البعير اللي مطول ماأضرب عادة يطول ولاهي بقاعده
والبعير اللي يستشمل ويضف الناقه لوحتى دقيقه يكون كافي بإذن الله
تحياتي

رد: الفحل يطول على الناقه

شكرا شباب على مرورك الكريم

رد: الفحل يطول على الناقه

البعير اثناء الضراب يبحث عن الحلقه / في اخر الرحم
واذا اصابها بسرعه يخصم من الناقه وينتهي
بعض البل مايصيبها بسرعه ويطول عليها اما بسبب الفحل او بسبب الناقه
وهذا يفسر ليش ان الفحل احيانا ينزل عنها ويرجع مره ثانيه وثالثه ويلاحظ كثيرا مع النياق الحيل واللي ماتلقح لان عندها مشكله في الرحم
واحيانا يضرب الناقه بسرعه ولا عاد يقربها لين يخلص قروها
وبعض الفحول شاطر بمعنى انه يصيب الهدف وينتهي وبعضها من طبيعته التأخر
تقبل تحياتي

رد: الفحل يطول على الناقه

شكرا على مروركم جميعا