وش الدبره فالخلفات .........؟؟؟؟؟؟؟؟

السلام عليكم ورحمة الله وبركاته ..

اخواني اعضاء منتدى مزاين
حبيت استشيركم في الخلفات اللي شان حالها من يوم ولدت لها حول شهرين...صار حالها شين .....

الخلفات عددها 9 واعطيها كل يوم كيس شعير وربطتين برسيم والتبن اكرمكم الله قار عندها ماينقص ابد .......

واحيان اذا كثرت لها البرسيم تورم ديودها ....رغم ان عيالها افكها عليها الظهر واحلب معها قبل المغرب .....

هل فيه برنامج غذائي نستخدمه معها...او هناك علاج نعطيها منه ؟؟؟؟

نأمل المشاركه وابداء الرائ ....

وعساكم سالمين اليوم ودووم

رد: وش الدبره فالخلفات .........؟؟؟؟؟؟؟؟

عطها ابره اهيام ون شاء الله تغير صحتها

رد: وش الدبره فالخلفات .........؟؟؟؟؟؟؟؟

حياك الله يالذيابي ماعليها شر ان شاء الله

الخلفات تسرح اذا ماهيب تسرح وحاطها في شبك حاول تهدها الصباح تسرح

اقل شي تسرح 6 كيلو

وتهدف قبل العصر وقلل البرسيم منها بدله بالرودس

واغسل اديودها قبل تسرح بالماء البارررد و بالمساء بعد ما تحلب

خلال ثلاث ايام ان شاء الله بتشوف مايرضيك

وما تشوف شر ان شاء الله وعطنا النتائج

رد: وش الدبره فالخلفات .........؟؟؟؟؟؟؟؟

يا سيف الضاهر الذيابي يعنى ان حالها في نقص بدنه

وان زاد البرسيم ورمة

فك الابل تسرح على ما قال اخوي سيف

ان كان اكلها تشوفه زين فعطها شراب الدود او حبوبه

خل وجبة البرسيم صبح والشعير تمسي عليه

وان كان العدد 9 يكفيها 3 ربطات برسيم وثلاث سطول بويه شعير وبتشوفها احسن

وعلى العموم هذا حال الخلفات في العموم تنقص مع الرضاع والحلب

رد: وش الدبره فالخلفات .........؟؟؟؟؟؟؟؟

الخلفات طبيعي تنقص من الرضاع والحلب الا عاد ان كان العلف ناقع عندها (شعير او مكعب او برسيم او اثنين منهن معا)
ومن ناحية الوريم هذا خباش من الحجر لازم تسرحها او تداوم على غسلها يوميا

رد: وش الدبره فالخلفات .........؟؟؟؟؟؟؟؟

ماراح ازيد على كلام اخوي سيف جابلك العلم

ام شي خلها تسرح وتشوف التغير ان شاء الله

رد: وش الدبره فالخلفات .........؟؟؟؟؟؟؟؟

عطها ابره اهيام ون شاء الله تغير صحتها

بيض الله وجهك اخوي فلاح البديوي ...على ردك وافادتك ....

رد: وش الدبره فالخلفات .........؟؟؟؟؟؟؟؟

حياك الله يالذيابي ماعليها شر ان شاء الله

الخلفات تسرح اذا ماهيب تسرح وحاطها في شبك حاول تهدها الصباح تسرح

اقل شي تسرح 6 كيلو

وتهدف قبل العصر وقلل البرسيم منها بدله بالرودس

واغسل اديودها قبل تسرح بالماء البارررد و بالمساء بعد ما تحلب

خلال ثلاث ايام ان شاء الله بتشوف مايرضيك

وما تشوف شر ان شاء الله وعطنا النتائج

الله يبيض وجهك اخوي سيف اجابتك شافيه ووافيه بالنسبه للوريم ......الله لايحرمنا تواجدك الدائم .....تحياتي لشخصك الكريم

رد: وش الدبره فالخلفات .........؟؟؟؟؟؟؟؟

حياك الله يالذيابي ماعليها شر ان شاء الله

الخلفات تسرح اذا ماهيب تسرح وحاطها في شبك حاول تهدها الصباح تسرح

اقل شي تسرح 6 كيلو

وتهدف قبل العصر وقلل البرسيم منها بدله بالرودس

واغسل اديودها قبل تسرح بالماء البارررد و بالمساء بعد ما تحلب

خلال ثلاث ايام ان شاء الله بتشوف مايرضيك

وما تشوف شر ان شاء الله وعطنا النتائج

الله يبيض وجهك اخوي سيف اجابتك شافيه ووافيه بالنسبه للوريم ......الله لايحرمنا تواجدك الدائم .....تحياتي لشخصك الكريم

رد: وش الدبره فالخلفات .........؟؟؟؟؟؟؟؟

يا سيف الضاهر الذيابي يعنى ان حالها في نقص بدنه

وان زاد البرسيم ورمة

فك الابل تسرح على ما قال اخوي سيف

ان كان اكلها تشوفه زين فعطها شراب الدود او حبوبه

خل وجبة البرسيم صبح والشعير تمسي عليه

وان كان العدد 9 يكفيها 3 ربطات برسيم وثلاث سطول بويه شعير وبتشوفها احسن

وعلى العموم هذا حال الخلفات في العموم تنقص مع الرضاع والحلب

عزالله اجابتك شافيه...وكافيه بيض الله وجهك اخوي خالد الفالح ...ورحم الله والديك ....انت ومن رد على الموضوع وجميع المسلمين ...

رد: وش الدبره فالخلفات .........؟؟؟؟؟؟؟؟

ارحب تراحيب المطـر ..

الله لايريك مكروه فيما تملك ان شاء الله

والخلفـات هذا امر طبيعي بالنسبه لـ حالهن يضعف ولحمهن ينشف بسبة الحوار ( يسم الناقه ) والحلب كذلك .الناقه ام حليب يجي حالها اهون البل .

وانا اشوف ان تعليفك وافي وكافي ( كيس شعير + بالتين برسيم + تبن ) والبل 9 .. اشوف ان هالتعليف وافي وكافي ..

فـ انا اقول عطهن شراب الدود .. وفيتامين يوضع مع الشعير ( تحصله عند البيطري ) وقد يسبب تغير في طعم الحليب ..

هذا من ناحية العلاج .. شراب الدود أهم شي .. والبكر منهن عطا ابرة جرب امريكيـه ..

البل في دهـر ولاتحصل شي هالايـام .. والحياء دواء المطيــــه .. نسأل الله أن يغيثنـا ...

...

حاول تبـث الشعير بشويـة نخـاله مع المـــاء .. مثلاً الكيس حط معه سطل بويا نخال وبثه بشوية مـاء .
خلال هالايام واقطعه عنهاا بعد شهرين لإن النخال من وجهة نظري فالقيض يذبح المطيه بكثرت الماء تشرب ولاتروى .