نتف الابل

مساء الخير للجميع

أتمنى ان احصل عندكم على حل لمشكله نتف الابل لبعضها وخصوصا الحشو واللقحات
الابل اشبكها في الليل فقط
حطيت لها ملح مانفع دهنت ضهورها بالزيت مانفع
مع العلم اني اشبعها شعير لين تتركه في المعالف
والنهار في المفلا وتحصل رمث
وشكرا

رد: نتف الابل

اخوي عبد الرحمن انت تعطيها برسيم ويطير على ظهورها وهي تبي تاكل البرسيم وتاكل الوبر معه

رد: نتف الابل

هلا أخوي محمد مااعطيها برسيم ولا تعرفه ابد

رد: نتف الابل

كيف حالك ياعبدالرحمن
هي عاده فالغالب كحال اكل الدمن
كم عدد البل ياعبدالرحمن بالكامل؟

رد: نتف الابل

فيه ابره للنتف بالصيدليه البيطريه جربها مامنها ضرر مع الحشو فقط اما غير الحشو ما ادري عنه
وسلامتك

رد: نتف الابل

اما الحشوا فمالك الا الكوي في الجمى من اعلى والا اكسر من السنون

ولاحظ التبن
ورد على سوال محمد التميمي وبتلقى عنده الجواب
اما انك تمنع من الحشايش مافيه فايده

رد: نتف الابل

هلا أخوي محمد
الابل كلها بحشوها اللي أشبكها حوالي 25

رد: نتف الابل

مرحبا يابو سعود ويمدحون الفلفل الاحمر البهارات يخلط مع زيت ويدهن ظهر المطيه او الله يعينك على الجلال جلال البل .

رد: نتف الابل

مرحبا يابو سعود ويمدحون الفلفل الاحمر البهارات يخلط مع زيت ويدهن ظهر المطيه او الله يعينك على الجلال جلال البل .

نفس الكلام

رد: نتف الابل

جلل الحشوان اول شي وحط في حوض الماء خيشة ثوم وخل العامل كل يوم يهرسها وبتشوفعا ماعاد تاكل ان شاء الله

رد: نتف الابل

هذي المشكله عندي قبل شهر في الحشو ..
جبت لي فلفل أحمر مطحون حق (مهران) وخلطته مع الماء .. ورشيته على ظهور الحشوان ..
بالإضافة للملح المطحون أخلطه مع الشعير ..
وانتهت هالعاده ولله الحمد .

رد: نتف الابل

الاخوان ماقصروا
لكن عليك بالشري ((الحنظل))
كسره وانقعه بمويه ثم رشه على ظهور البل
وبإذن الله تترك هالعادة

رد: نتف الابل

مرحبا اخوي عبدالرحمن الحل في نتف الوبر هو انك تنقع لها التمر في الماء وتخليه عندها على طول وان شاء الله تترك هالعاده والله يرفع هالبلاء والوباء من عطايا الله ومن حلال المسلمين جميع

رد: نتف الابل

عبدالرحمن العقيل
لاهنت على الطراح الجميل للمشكلة


ونشكر الاخوان على عرض تجاربهم لنا

رد: نتف الابل

ماقصرتوا يالربع
رشيت ظهور الابل بديزل ولا فاد حطيت ملح ولافاد
مستمره في النتف كلها دقها وجلها والحشو كلها تنتف