استشاره الله يجزاكم خير

السلام عليكم ورحمة الله وبركاته
يالربع انا عندي حوار وارضعه حليب فرنسي وابي انشد من قد استخدم الحليب كيف مفعوله هل الحوار يطلع نموه طبيعي او يكسر
علما اني ضيرته على كذا ناقه ويتعب بطنه ونصحني كذا شخص بالحليب الفرنسي وفعلا ماعاد تعب بطنه واصتصح لاكن ابي فزعت الي جربه بوقت طويل وشلون الحيران عليه وهل فيه شي اعطيه مع الحليب يساعده الحوار عمره شهرين افزوع بالفاده الشافيه الحوار مشراه غالي جدا والله يوفكم

رد: استشاره الله يجزاكم خير

الله يحييك يانايف
انا عندي حواره عمرها اقل من اسبوع
وشريت لها حليب واظنه فرنسي بودر
بس مخليه حق اليوم الكبير
وانشاء الله نلقى العلم الشافي من اخوانا
تحياتي لك ...

رد: استشاره الله يجزاكم خير

ابوسالم وش اليوم الكبير لاهنت وهل جربت الحليب وترا فيه نوعين فرنسي ونوع ثاني اعتقد انه نيوزلندي افتك منه ولاتقربه

رد: استشاره الله يجزاكم خير

الله يحييك اخوي نايف
اقصد اذا احتديت عليه
اللي عندي فرنسي ع كلام الدكتور لي

رد: استشاره الله يجزاكم خير

الله يوفقك يابو سالم ويبارك لك

رد: استشاره الله يجزاكم خير

دام عمره شهرين ماعاد بيضره الحليب الحين ضير عليه ناقه وإرتاح

رد: استشاره الله يجزاكم خير

الله لايهنك يابوحماد كلامك صحيح
ولاكن انا ابي اعرف من الي جرب الحليب الفرنسي مده طويله وش صار معه

رد: استشاره الله يجزاكم خير

وين يبيعونه اخوي نايف لاني احتاجه وياليت اللي جربه يطرح تجربته
تقبل تحياتي

رد: استشاره الله يجزاكم خير

مرحبابك اخوي حاتم تحصله في الصيدليه البيطريه ولاكن الي ماعنده خبره يغشونه في نوع الحليب لان فيه اشكال كثيره
واذا تبيني ارسل لك ارسلت لك النوع الاصلي الي هو الفرنسي لان المنطقه فيها صيدليه مختصه في هذي الامور ودكتور ثقه
وتقبل تحياتي