ابـغـا رايكم فـي الاشــعـل .........................؟

السلام عليكم

القعود جذع السنة هاذي ويدخل ثني سهيل الجاي الله يلحقنا خير ان شاء الله

ابي رايكم في القعود زين شين واللون وكل شي فية بدون مجاملة مع ذكر العذاريب ان وجد فية شي

اهدة السنة الجاية ولا ادور غيرة

اصلة من ابلنا وابوة وجدودة على شريان الفحل المعروف والله الموفق
الصورة وانا مستعجل

رد: ابـغـا رايكم فـي الاشــعـل .........................؟

البعير طيب هده الله يوفقك

رد: ابـغـا رايكم فـي الاشــعـل .........................؟

اهم شي الاصل وانت ابخص في اصله .. والصوره غير واضحه .. لكن اللي اشوفه بالصوره ان البعير لحمته وعمره وغاربه ورقبته طيبه ولحيه طويل .. بس راسه صغير وخده قضيف يعني الخده والعرنون والراس المطلوب فيها نقص بالقعود .. هذا رائي وانت ابخص

رد: ابـغـا رايكم فـي الاشــعـل .........................؟

اهم شي الاصل وانت ابخص في اصله .. والصوره غير واضحه .. لكن اللي اشوفه بالصوره ان البعير لحمته وعمره وغاربه ورقبته طيبه ولحيه طويل .. بس راسه صغير وخده قضيف يعني الخده والعرنون والراس المطلوب فيها نقص بالقعود .. هذا رائي وانت ابخص

لاهنت يالعزيزي ومشكووور

عزالله ان سيف لحية طويل والصورة ضالمة شوية


وكذلك الاخ احمد العشري

مشكوووورين على التعقيب والمشاركة

رد: ابـغـا رايكم فـي الاشــعـل .........................؟

القعـود فحــل .. وينهـــــد .. وبينتج بإذن اللــه .

ظهره مقبول / ولحيه كفو / وقلته مدرج مطار / وعرنونه طيب / ولونه طيب /

عندي بعض الملاحظات الدقيقـه : المسافه بين العين واللحي ( راسه ماهوب كبير ولافيه اتساع خده ) / مطلع الرقبـه / وتقدم موقع الاذن وركزتها / والقعود الله أعلم أن مقفّاه ماهوب اللي تبي ( قصيف وممشاه اركح ) صح وألا أناغلطان ؟

والقعود في مجمله فحل والله يبارك لك ..

رد: ابـغـا رايكم فـي الاشــعـل .........................؟

الله يبارك لك فيه

ومشعل كفى ووفى وعطاك الزبده
وخصوصاً فيما يخص كبر الراس والاذن ومطلع الرقبه

رد: ابـغـا رايكم فـي الاشــعـل .........................؟

عطاك العلم مشعل بيض الله وجهه وإياك والقارئين
والله يبارك في قعودك ويرزقك الإنتاج الفاخر

رد: ابـغـا رايكم فـي الاشــعـل .........................؟

القعود من الصورة اظن ان فيه لوفه في خشمه

الاذن ماتبيها

مطلع الرقبه فيها نزول

والبعير الصور ظالمته

رد: ابـغـا رايكم فـي الاشــعـل .........................؟

القعود من الصورة اظن ان فيه لوفه في خشمه

الاذن ماتبيها

مطلع الرقبه فيها نزول

والبعير الصور ظالمته

القعود شدقة الايمن منطلق وسمناة وهو مفرود على الخد الايمن والحمدلله يوم كبر كنها خفت شوي


والصور ضالمة شوي

ومنكم نستفيد


ومشكوررين كل من علق على الموضوع