==== ( وش رايكم براس الحوار ) ====

........

رد: ==== ( وش رايكم براس الحوار ) ====

رد: ==== ( وش رايكم براس الحوار ) ====

السلام عليكم
والله يامشعل ماعقب نظرك نظر
وبرايي الحوار صغير علشان تحكم عليه
(الحوار متوجه )

رد: ==== ( وش رايكم براس الحوار ) ====

هـلا ومرحباا يانـايـف ..
انا استفيد من اللي مثلك وشرواك .. ومن قال انا عـارف : ( جهل ) ..
بيض الله وجهـك ..

رد: ==== ( وش رايكم براس الحوار ) ====

ارحب ثم ارحب ثم ارحب
مشاء الله تبارك الله
الحوار كايف وخشمه يهول وانا اقول المستقبل قدامه
الله يبارك لك فيه وفي امهاته

رد: ==== ( وش رايكم براس الحوار ) ====

اررحب يامشعل الله يبارك لك فيه
الحوار مواريه زينه
عرنون خشمه ماعليه واللحي طيب
له مثل قحز الراس (طاقيه) ويمكن انه من الغزل
الله يبارك لك يالبرقاوي

رد: ==== ( وش رايكم براس الحوار ) ====

القعود طيب ماعليه كلاااااااااام وله طلعه طيبه بإذن الله

عسى ابوه عندك يا مشعل ويكثرن حلاياه واللي اطيب


الله يبارك لك

رد: ==== ( وش رايكم براس الحوار ) ====

التقييم على راسه


عرنونه طيب وتشره على الرويضع

الاذن غير واضحه

اللحي وارد والخد مقبول والرقبه حوار توه مولود لا يمكن الحكم عليها

رد: ==== ( وش رايكم براس الحوار ) ====

ابوصالح
البقاء يالقرم
وبيض الله وجهك على المرور والراي
ولاعدمناك
مرورك مهم ورايك محل تقدير

رد: ==== ( وش رايكم براس الحوار ) ====

حزام العاطفي
بيض الله وجهك
شاكر لك المرور وابداء الرآي
وانت ممن نحرص على متابعتهم
..

عبدالرحمن المحسن
لاهنت على المرور
وابو الحوار
سبق واني عرضته فالموقع وعلى ما اظن انك بغيت تشريه ولا الله قسم
( ياقــــــــــوت )
وابشرك طرح ذا القعود والقعود اطيب من الصور وعمره كايف ورقبته كفو
وطرح قعود ثاني كفووو
وطرح بكرتين وحده سيمت ب50 وهي بسباياها
والثانيه عرنونها راهي وشكلها طيّب
والبعير بعتـه خارج الموقع هاك الايام .. والله يبارك لشاريـه .. وعليه اسوامً طيبه حسب ماوصلني ..

رد: ==== ( وش رايكم براس الحوار ) ====

عسى الله يبارك لك وللي شراه

لو إنك يوم عرضته بالمنتدي هذا انتاجه مختلفنا عليه وكانت علومه غييييييير

لكن الدعوه أرزاق وانا خوك

رد: ==== ( وش رايكم براس الحوار ) ====

ماشاء الله تبارك الله
ماعندي بالنظر أكثر مما عندك لكن بالفعل أشوف إن
الشخص صعب يحكم على حلاله لأنه يحبه وبيشوفه زين
والقعود ذا متوجه ومواري الزين باينه
عرنون وخشم ولحي طيبه
الإذن ماهي باينه
يظهر مظهار السعد إن شاء الله
الله يبارك لك في حلالك يابوذعار

رد: ==== ( وش رايكم براس الحوار ) ====

الحوار طيب ومواري زين
اذا مافيه طاقيه وانت راعي نظر

رد: ==== ( وش رايكم براس الحوار ) ====

الحوار طيب

رد: ==== ( وش رايكم براس الحوار ) ====


لا يفتى ومالك في المدينة يابو ذعااااااااار

تستفتينا وأنت تقف على رأس الهرم في هذا المجاااااااال