نبي الراي يالربع

السلام عليكم ورحمة لله وبركاته


مسااكم الله بالخير جميع

الموضوع واضح
ولا خاب من استشار يا اخوان

انتم اهل نظر وعرف ورايكم يهمني

هذي حواره امها موقفه
وابوها بعير عبيد العصيمي
البعير اوضح والناقة وضحى
وانتاجه موقف الله يبارك لراعيه فيه وفي امهاته

انا شريتها لقحه والان ولله الحمد انتجت وجابت هالبكره
طاحت البكره وكان فيها رخاوه وعطيناها قفمنتين156 وعلاج الرخاوه الفرنسي
وبعدها ولله الحمد قامت لكن ممشها مهوب اللي
فيها ميول فالمشيه ويقولون نقص نحاس والله اعلم

ونبي الراي فيها وسلامتكم

هذي الصوره اول ما طاحت

بسم الله ما شاء الله

[BIMG]http://up.g4z4.com/uploads/cdd037289d.jpg[/BIMG]

والصورتين هذي وعمرها 5 ايام



[BIMG]http://up.g4z4.com/uploads/6d5c847544.jpg[/BIMG]

رد: نبي الراي يالربع

البكره طيبه بالحيل
مع ملاحظه على الإذن
المشارب والرقبه ماينحكم عليها هالحين
لكن كلها بتجيك إن شاء الله وبتظهر مظهار السعد
لاتفك البكره
تحياتي والله يبارك لك

رد: نبي الراي يالربع

الله يجزاك خير يا ابوحماد

يبارك لنا ولك وللمسلمين جميع

رد: نبي الراي يالربع

مشاء الله تبارك الرحمن
يا بن العم
مثل ما قال الاخ مشبب
لا تفكها تراها طيبة

رد: نبي الراي يالربع

الله يعافيك يا فهد

وبيض الله وجهك على ابداء رايك

رد: نبي الراي يالربع

ما شاء الله تبارك الله

الله يبارك لك في حلالك

رد: نبي الراي يالربع

الله يجزاك خير يا ابوطلال

رد: نبي الراي يالربع

الله يبارك لك فيها ..
وفي هالسن ماينحكم ألاّ على الحـوار النـادر .. أو اللي فيه ميزةً واضحـه .. مثل المشرب / وطول اللحي .. وووو
والبكـره مقبـولـه .. وزينها مقبل ان شاء اللـه ..
اما شكلها الحالي فمـا اشوف فيها ميـزهـ تفرقها عن غيرها من اغلب الحيران ..
...
تقبل مروري

رد: نبي الراي يالربع

انا اقول في مجمل الحواره مقبوله ادون من الوسط
ولاهيب شينه اصبر عليها والله يباركلك فيها

رد: نبي الراي يالربع

اخ مشعل البرقاوي

الله لا يهينك يالذيب
ومشكور علي تقييمك
منك ومن الاخوان جميع نستفيد وناخذ الشور

رد: نبي الراي يالربع

اخ صالح العاطفي

الله يعافيك علي ابدا الراي يالامير

الله يعافيك

رد: نبي الراي يالربع

مافيه صور

رد: نبي الراي يالربع

مساء الخير للجميع
الاخ وليد للاحاطه لا يوجد صور
ارجوا التكرم بتنزيل الصور مره اخرى
مع خالص الشكر والتقدير

رد: نبي الراي يالربع

اعتذر منكم

ويبو ان المشكله من مركز التحميل

لكن ابعيد تحميلها الليله ان شا الله

رد: نبي الراي يالربع

تم رفع الصوره من جديد