وينكم ياهل العرف

السلام عليكم ورحمة الله وبركاته



عندي حوار عمره خمسة اشهر ماتت امه هل يلزم اضير عليه ناقه ولا ماعليه والحوار طيب




مشورتكم.

رد: وينكم ياهل العرف

ارحب
لا انشالله ماعليه بس ارهه له برسيم وشعير

رد: وينكم ياهل العرف

كانه مزيون وتبي تفحله أو تبيعه ضير
وكانه قصب زود له البرسيم والشعير وماعليه

رد: وينكم ياهل العرف

.مرحبا اخوي حمدان

والله هذا حوار ما يبني شحمه على حليب

لازم يهد اللي بناه سنامه من الحليب ( يعني ينكسر) ثم يبني على الطعام ولا يرد عليه العلف بسرعه اقصد ما يبني سنامه بسرعه والحاشي اذا انكسر يغدي الشي الكثير من زينه ولا يعود الا اليا جا سنه حق ولا يظهر مظهار الحاشي المغدي اقصد من ناحية زينه لذلك

انا انصحك تضيره على ناقه ماهي كبيرة سن لان الفاطر حليبها ما ينفع الحاشي الا من رحم ربي

او تعوده على الرضاعه او الشرب من الغضاره وتعطيه حليب خلفه تشوف نفع الحليب على حوارها

وتقبل مروري