رايكم يالربع بالقعود

السلام عليكم

مساءكم الله بالخير
نبي رايكم في القعود
دخل حق في شهر 3 إلي راح
ام القعود ناقة وضحاء تشاقحها طيبة من اباعر خالد بن شويمي السبيعي
اخوه من امه مفحلة (ابن شويمي) في البل
ابو القعود الدولار فحل فهيد بن دحيلان السهلي على كلام ابن شويمي
رايكم افحل القعود والا لا؟

وسلامتكم

..



...

...


...

رد: رايكم يالربع بالقعود

( هـد الفحـل وتحلّ ) ..
القعـود من وجهة نظري ( لايصلح فحل نهائيـاً ) وسلامتـك ..
ورايي لاتفحّلـه .. والله يرزقك بااطيب منه ..
وعذاريبه اكثر من أني اذكرهـاا
تقبل راي أخوك .
ويفيدونك الاخوان اللي اعرف مني وادرى .

رد: رايكم يالربع بالقعود

انا بنسبه لي انظر للقعود من ناحية الزين اول شي وبعدين عموقه اذا كان فيه نسبة زين توهله انه يفحل نظرة لساسه اما اذا كان الشكل من البدايه فاشل فعرف انه لايصلح فحل للبته والله يرزقك اخير منه والعلم عند الله.

رد: رايكم يالربع بالقعود

والله ياخوووووووووك أنا رأيي من رأي اخوي مشعل
لاتفحله أبد أبد

رد: رايكم يالربع بالقعود

سلامي للجميع

لا هنتوا على المرور والمشاركة
رايكم ونظرتكم ياهل الخبرة والعلم
محل الاحترام
تحياتي للجميع

رد: رايكم يالربع بالقعود

انا مع مقولة اخوي مشعل ولكن في مقولة تقول

( هد الفحل وتحل .... وهد البعير لخواته ,,,, يعني لزين خواته فإن كانك مجود سره من جهة امه وابوه

فإنظر لزين خواته تراه البعير يحكم من خواته لان خواته يحكمن انتاج ابوه وهذا تجويد السر

إن كان هناك صورة لخوات القعود من الفحل وان كان من الام افضل وافضل

ولكن شكليا لا يصلح فحل الا اذا كان مثل ما قلت لك

تقبل مرووووري

رد: رايكم يالربع بالقعود

الاخ/ فهد

شاكر مرورك
ترى من ردوا الربع وانا اشوفه في ظهر الموتر للسوق
لكن هونها هالامطار الي علينا بالرياض اليوم
مبروك عليكم هالامطار الله ينفعبها ويتبعبها
احترم رايك وراي كل من شارك

رد: رايكم يالربع بالقعود

الله يرزقك بأخير منه ان شاء الله

رد: رايكم يالربع بالقعود

الاخ بندر
شاكر مرورك
وتحياتي

رد: رايكم يالربع بالقعود

إي والله وانا أخوك السوق للقعود هذا بعه وربي يرزقك بأطيب منه ،،

ودور لك على هرش طيب نادر لو تلقاه غويلي شوي وخله يعمر لك الابل لو يلقح لك خمس من الابل أنت كسبان ،،

وعسى ربي يسهل لك أمورك ،،


تقبل مرورري

رد: رايكم يالربع بالقعود

( هـد الفحـل وتحلّ ) ..
القعـود من وجهة نظري ( لايصلح فحل نهائيـاً ) وسلامتـك ..
ورايي لاتفحّلـه .. والله يرزقك بااطيب منه ..
وعذاريبه اكثر من أني اذكرهـاا
تقبل راي أخوك .
ويفيدونك الاخوان اللي اعرف مني وادرى .

__________________