شعير والا مكعب

السلام عليكم ورحمة الله

ومساء الخير للجميع

الشعير ب 40 ريال

والمكعب ب 42 ريال

يعني ماهنا فرق يسوى

الشعير له فوائد والمكعب له جمهوره

أسوأ ما بالشعير ان البل تعود في دمنها الله يعز القراء

أنا الحين اعلف مكعب مع شعير أخلطهم بالمعالف

وبخاطري الغي الشعير واستمر على المكعب فقط

يا ليت تعطونا تجاربكم مع الشعير والمكعب

والشكر سلفا لكل من مر وشارك برأيه

رد: شعير والا مكعب

مرحبا اخوي عبدالرحمن
يالله حيه ... بارك الله في مالك وحلالك

بالنسبة للطعام الشعير في حل له وهو نافع يسمك سنام المطيه وبنفس الوقت يجمد لحمها لا ينتثر مثل سواة المكعب ناقة المكعب تجي منثورة لحم وعلفها ما هو عصب مثل رد الشعير على الابل ... لو ان رد لمكعب على الابل تشوفه بسرعه لكن شحم سنامه هش من يوم تقطع المكعب فتره بسيطه وتشين الابل في ناظرك من ناحية الحال (حسب التجربه)

الشعير طعام لك فيه حلين

الاول: تربص الشعير في الما وتنقعه كل يوم بيومه واذا جا حزة طعام الابل تظهره من الما وتفك الاكياس وتصبه في حوض الطعام وهي حركه تسويه لتليين حبة الشعير عشان تنطحن في بطن المطيه ولا ينطحن كله عموما
الثانيه : جرش الشعير وهو طيب للابل ورده طيب بالحيل لكن فيه عذروب وهو كثرته تسبب بشمه متعبه للمطيه من اشد انواع البشمه اضافة الى انه متعب يبي كل ما نقص الشعير عن الابل تمسك سرا عند المجرشه ( ولكن من بغى التعب يحزم وسطه)
ولكن انا انصح به اذا استخدمت طريقة التدريج الين تعرف كفاية ابلك منه
طريقة تكفيك عن اكل المطيه لدمنها عزك الله انت والقارئين

وتقبل مروري

رد: شعير والا مكعب

مرحبا اخوي عبدالرحمن
يالله حيه ... بارك الله في مالك وحلالك

بالنسبة للطعام الشعير في حل له وهو نافع يسمك سنام المطيه وبنفس الوقت يجمد لحمها لا ينتثر مثل سواة المكعب ناقة المكعب تجي منثورة لحم وعلفها ما هو عصب مثل رد الشعير على الابل ... لو ان رد لمكعب على الابل تشوفه بسرعه لكن شحم سنامه هش من يوم تقطع المكعب فتره بسيطه وتشين الابل في ناظرك من ناحية الحال (حسب التجربه)

الشعير طعام لك فيه حلين

الاول: تربص الشعير في الما وتنقعه كل يوم بيومه واذا جا حزة طعام الابل تظهره من الما وتفك الاكياس وتصبه في حوض الطعام وهي حركه تسويه لتليين حبة الشعير عشان تنطحن في بطن المطيه ولا ينطحن كله عموما
الثانيه : جرش الشعير وهو طيب للابل ورده طيب بالحيل لكن فيه عذروب وهو كثرته تسبب بشمه متعبه للمطيه من اشد انواع البشمه اضافة الى انه متعب يبي كل ما نقص الشعير عن الابل تمسك سرا عند المجرشه ( ولكن من بغى التعب يحزم وسطه)
ولكن انا انصح به اذا استخدمت طريقة التدريج الين تعرف كفاية ابلك منه
طريقة تكفيك عن اكل المطيه لدمنها عزك الله انت والقارئين

وتقبل مروري

يا مرحباً فيك يا فهد ولا هنت على المرور

بالنسبة الشعير فانا انقع الشعير يوم كامل

وهذا بحد ذاته غثا

المجروش ارحم لكن ما يتوفر عندي على طول

رد: شعير والا مكعب

[QUOTE=عبدالرحمن الوهبي التميمي;607576]يا مرحباً فيك يا فهد ولا هنت على المرور

بالنسبة الشعير فانا انقع الشعير يوم كامل

وهذا بحد ذاته غثا

المجروش ارحم لكن ما يتوفر عندي على طول[/QUOTE

طيب جرب وانا اخوك تخلط بين الاثنين اشعير ومكعب وشف رده على الابل

رد: شعير والا مكعب

ارحب يااعبدالرحمن
ولايهون كل من شارك او اطلع على موضوعك
أنا ضد المكعب تماماً
والصحيح ان الشعير المجروش هو الافضل على الاطلاق
وانا اشوف انها سهل عملية الجرش وسعرها معقول جداً
١٢٠ كيس ب ٥٠٤٠ ريال غير التوصيل

رد: شعير والا مكعب

ارحب يااعبدالرحمن
ولايهون كل من شارك او اطلع على موضوعك
أنا ضد المكعب تماماً
والصحيح ان الشعير المجروش هو الافضل على الاطلاق
وانا اشوف انها سهل عملية الجرش وسعرها معقول جداً
120 كيس ب 5040 ريال غير التوصيل

يا مرحباً ومسهلا ابو صالح

ما حدنا على المكعب الا ان الشعير تعليفه مشكلة

المجروش ما يتوفر عندي بسوق الاعلاف

أنا شفت اكثر اهل البل حولي يعلفون المكعب

ومرتاحين معه

رد: شعير والا مكعب

يا مرحباً ومسهلا ابو صالح

ما حدنا على المكعب الا ان الشعير تعليفه مشكلة

المجروش ما يتوفر عندي بسوق الاعلاف

أنا شفت اكثر اهل البل حولي يعلفون المكعب

ومرتاحين معه

هلا وغلا عبدالرحمن
موضوعك مهم ويستاهل النقاش
أنا جربت المكعب للبل 8 سنوات تقريبا
وكل من وصلني نصحني بمقاطعة المكعب
مع العلم ان البل واجهت بعض الامراض مع المكعب (الوافي)
وقطعته عن الابل وبدلته بالشعير ولقيت الفرق اللي مهوب قليل
فهذي تجربتي ياعبدالرحمن

رد: شعير والا مكعب

لكن الشعير المجروش غير متوفر نهائيا

رد: شعير والا مكعب

امسي على الجميع بالخير

و لي حوالي خمس سنوات اعلف مكعب والبل ولله الحمد سمان وطيبه لكن ابشرك ياعبدالرحمن ان مراحها نظيف من الدمن ( اعزكم الله جميع ) ما تخليه يطيح مره واكل الدمن الظاهر انه كل احد يشكي منه الله يكفينا الشر

رد: شعير والا مكعب

اشكر جميع الأخوان على المرور

وبانتظار بقية آراء الأخوان

رد: شعير والا مكعب

يامرحبا ياعبدالرحمن..نصيحتي لك من الحين خل الخلفات على الشعير والابل والباقيه عالمكعب (صوامع_غدير) لمدة شهر او شهر ونص لين يتوفر الذره

وان توفرت الذره اقطع الشعير وخلها كلها على مكعب وذره وبتشوف الفرق عقب الصفري لووون وجلاااه وسلااااامتك

رد: شعير والا مكعب

الخلفات برسيم فقط

اللقحات مكعب وشعير منقووووع من الليل أو مكعب منقوع ورودس واللبل عليها طول يدها

ولم أواجه أي أمراض ولله الحمد والمنه

رد: شعير والا مكعب

يامرحبا ياعبدالرحمن..نصيحتي لك من الحين خل الخلفات على الشعير والابل والباقيه عالمكعب (صوامع_غدير) لمدة شهر او شهر ونص لين يتوفر الذره

وان توفرت الذره اقطع الشعير وخلها كلها على مكعب وذره وبتشوف الفرق عقب الصفري لووون وجلاااه وسلااااامتك

وانت سالم وغانم

ومشكور على مرورك على موضوعي ومشارتك

رد: شعير والا مكعب

الخلفات برسيم فقط

اللقحات مكعب وشعير منقووووع من الليل أو مكعب منقوع ورودس واللبل عليها طول يدها

ولم أواجه أي أمراض ولله الحمد والمنه

مشكور اخوي مطلق على المشاركة ولا هنت

رد: شعير والا مكعب

والله يأخوان كنت من مشجعي الشعير بس من فترة حولت لوافي صراحه شفت الفرق في حال البل للأحسن مع العلم ان جميع البل لقحات هالسنة .
لاكن عندي سؤال // المكعب ينقع مثل الشعير او انا غلطان بس الشعير ؟