الحل مع البعير

يا اخوان الحل مع البعير اللي ياكل الاوادم يا اخوان لين قرب احد منه لحقه يبي ياكله ولا ياكل البل ولا يقرب الحشوان ولا الفحول اما الاوادم ابشر فيهم وش الحل

رد: الحل مع البعير

الحل تحط فيه رسن لاتفكه ابد خل الرسن فيه وهو يضرب في مكانه

الدعوى فيها ارواح مسلمين ونا اخوك

رد: الحل مع البعير

البعير شاخ عليكم والطريقه وانا اخوك ان كان البعير طيب
انك تجمعون عليه انت وربعك وكل واحد معه دبسه اومطرق
اوسوط ودبعوه (اضربوه) الين يرغي وطلعو عنه ثم ادخلو عليه ودبغوه لين يرغي ثم افرك دمنه في خشمه
وبامر الله بيغدي مطواع بس لا تامنه
ون كان البعير ماهو بعير غالي حط الفرد في راسه
ووزع الحمه على الضعوف

رد: الحل مع البعير

يا اخوان البعير غالي جدا

رد: الحل مع البعير

بغيت اسالكم هل الافوميك تاثر على المعشر وهل البنسلين الفرنسي يكسر العشار

رد: الحل مع البعير

البعير الأكله يورث هالطبع لعياله وفرقاه عيد ولكن هالطبع فيه من مبطي ولا توه ؟
بالنسبه لسؤالك عن الابر لا تضرب الناقه اي ابره حتى لو قالوا لك آمنه وهي معشر خلها تعدي ثلاث شهور

رد: الحل مع البعير

هذا والله النشبه ,,,

تباني أعلمك ..
ماكن الرفق في شيئا الا زانه وما نزع من شيئاً الا شانه
عليك بمحايله بالخبز والتمر والبسكوت وخلك طويل بال معه وصدرك وسيع للغاية
وان شاء الله بيسلك معك ,,
والبعير ماجاه الطبع هذا وبغض العرب الا من شي حاصل له
أكيد كان يضرب ويقسى عليه حتى خرب طبعه على الآوادم
انتبه لا تكوووووووووون قاسي عليه ولا تضربه
فلا يحق لك ضربه لا عرفاً ولا شرعاً

رد: الحل مع البعير

لا بالله نخاف منه وتقول لا تضربه عسانا نضربه بالعصا والمشكله ان البعير جرم وافي ماشاء الله وزي ما قلت نشبه بس ماعليه ضرر البعير خله على طبعه حتى لا جاء يضرب الناقه شمل نفسه يعني ما يحتاج ماشاء الله بس نبي طريقه مجربه خايفين واحد يدخل على البعير يبي يشوفه ثمن عاد ياكله ونبتلش فيه هذا لازم تحط عليه لوحه عند الشبك ممنوع الاقتراب

رد: الحل مع البعير

طلع اقرب بيطري وقص انيابه
هذا الحل الامثل للاكول

رد: الحل مع البعير

البعير اكيد احد مخرب طبعه من الي حوله

ذل منه والبعير تمرد فيها

ركبله صريمه واربطوه

تجمعو عليه اكثر من رجال وترى الفحول بطبعها تذل من كثرة الي حولها إليا تجمعو عليه

ثم ربطوه وركب له صريمه وهادوه مهادئ وخلك حذر منه لين تاخذ حاجتك منه
ولا احد يقربه إلا وبيده عصى والي مايعرف للفحل لايقرب من يمه تراه يمرده على اهله

هذا انكان الفحل غالي قيمه وانتاجه مشيوف وغالي

وانكانه عادي ولا بداوه لا والله إلا افتك منه وانا اخوك والي مثل هذ الفكه منه غنيمه لايفترسله رجال ثم تندم

رد: الحل مع البعير

ان كان هالطيع جديد عليه فهو شم الخوف في الناس اللي تجيه وتقوى عليهم .. ويبي لك تغير العامل او لا يقربه الا شخص ما يحسب له حساب يأدبه من جديد

وان كان من يومه كذا وانتاجه فاخر فالله يعينك تحرص على الحبال والشبوك الزينه وتحاول تهاديه

اما اذا انتاجه ما يوصل الخمسين .. فاحسن علاج له هو : Hekler &Koch - 7.62X54 مخرق وان حصل شباب يكون افضل

رد: الحل مع البعير

السلام عليكم ورحمة الله وبركاته


نعم انا مع كلام اخوي البعير أو اي بهيمه اخرى لا يجوز لك ضربها نهائيا

اما عن البعير فيه طريقه ويبالها وسعة بال

وهو ان تحطه له قيد ومربط وأي اكل له يعطيه العامل من مسافه الاكل بيده

لفتره طويله ولا يعطى الاكل إلا اذا أحس بالجوع مره ويعطيه العامل و أنتم يا أصحاب البعير بيديكم كل يوم

وأن شاءالله ما يعدي ثلاث اسابيع او شهر غير ان البعير يتبعكم بس خلوه يحس بالجوع وان الي يعطيه هم الناس الي حوله ويكون يعطونه بيدهم

هذا ولكم تحيتي

رد: الحل مع البعير

حياك اخوي ابو فالح

ان كان اابعير نايب والحال ذا معه من ضاري لا والله تعوض الله خير فيه وان كان الحال ذا جديد فالموضوع سهل ويبغاله صبر
اول حال البعير لا تشرد عنه خذلك عصا وان جاك وناوي القشر خلك اقشر منه واضربه فمكان يوجعه مصرعة البعير فالراس من الخلف ولا تجيه لحالك انتبه